కరోనా చికిత్స నుంచి రెమ్డెసివిర్ను కూడా త్వరలోనే తొలగించే అవకాశం ఉందని దిల్లీలోని గంగారామ్ ఆసుపత్రి ఛైర్ పర్సన్ డాక్టర్ డీఎస్ రాణా మంగళవారం వెల్లడించారు. కొవిడ్ బాధితులపై ఈ ఔషధం ప్రభావం చూపిస్తున్నట్లు ఎలాంటి ఆధారాలు లేకపోవడమే ఇందుకు కారణమని పేర్కొన్నారు. దేశవ్యాప్తంగా రెమ్డెసివిర్కు డిమాండ్ పెరుగుతున్న నేపథ్యంలో డాక్టర్ రాణా చేసిన వ్యాఖ్యలు ప్రాధాన్యం సంతరించుకున్నాయి.
"కొవిడ్ నుంచి కోలుకున్న వారిలో ఏర్పడ్డ యాంటీబాడీలు రోగులపై ప్రభావం చూపిస్తాయని భావించాము. ఈ క్రమంలోనే ప్లాస్మా థెరపీ వచ్చింది. అయితే ఈ చికిత్స వల్ల రోగులు కోలుకుంటున్నట్లు ఎలాంటి ఆధారాలు లేకపోవడం వల్ల దానిని రద్దు చేశాము. అదే విధంగా కొవిడ్ చికిత్సలో భాగంగా రోగులకు ఇస్తున్న రెమ్డెసివిర్.. వైరస్పై ప్రభావం చూపిస్తున్నట్లు ఆధారాలు లేవు. అందుకే ఈ ఔషధాన్ని కూడా కొవిడ్ చికిత్స నుంచి తొలగించాలని భావిస్తున్నాము."
-డాక్టర్ డీఎస్ రాణా, గంగా రామ్ ఆసుపత్రి ఛైర్మన్
ఇటీవల కొవిడ్ చికిత్స నుంచి ప్లాస్మా థెరపీని తొలగిస్తూ ఐసీఎంఆర్ మార్గదర్శకాలు జారీ చేసింది.
ఇదీ చదవండి : యాంటీబాడీ టెస్టు ఏంటి? ఎందుకోసం?
