తనపై అత్యాచారానికి పాల్పడిన వ్యక్తిని తాను పెళ్లి చేసుకున్నానని, తమకు సంతానం కూడా ఉన్నారని.. అందువల్ల నిందితునిపై నమోదైన కేసును కొట్టివేయాలన్న ఓ మహిళ అభ్యర్థనను(Rape survivor plea) కర్ణాటక హైకోర్టు(Karnataka high court) తోసిపుచ్చింది. నేర స్వభావం, తీవ్రత, సమాజంపై ప్రభావం కారణంగా తాము ఈ పిటిషన్ను తిరస్కరిస్తున్నట్లు చెప్పింది.
విజయపురి జిల్లా బాసవానా బాగెవాడీలోని ప్రత్యేక కోర్టు విచారణ జరుపుతున్న ఈ అత్యాచార కేసును కొట్టేయాలని బాధితురాలు, నిందితుడు(Victim accused couple) కర్ణాటక హైకోర్టుకు చెందిన కలబురిగి బెంచ్ను ఆశ్రయించారు. ఈ కేసులో నిందితుడిపై న్యాయ విచారణ కొనసాగితే కలిగే ప్రయోజనం ఏమీ లేదని బాధితురాలు తన పిటిషన్లో పేర్కొంది. తనపై అత్యాచారం జరిగిన సమయంలో తన వయసు 19 ఏళ్లు అని చెప్పింది. ఈ పిటిషన్పై విచారణ జరిపిన జస్టిస్ హెచ్.పి.సందేశ్ ధర్మాసనం.. బాధితురాలి అభ్యర్థనను తిరస్కరిస్తన్నట్లు చెప్పింది.
అత్యాచార బాధితురాలు మైనరా? మేజరా? అనే విషయం ట్రయల్ కోర్టు నిర్ధరిస్తుందని ధర్మాసనం తెలిపింది. ఐపీసీ 376 సెక్షన్ కింద నిందితుడు మైనర్పై అత్యాచారానికి పాల్పడి, బాధితులతో రాజీ కుదుర్చుకుంటే కేసు నుంచి తప్పించుకోలేడని పేర్కొంది. సీఆర్పీసీ సెక్షన్ 482 కింద ఓ కేసును రద్దు చేసే ముందు నేర స్వభావం, తీవ్రతను హైకోర్టు పరిగణనలోకి తీసుకోవాలని సుప్రీంకోర్టు గతంలో ఇచ్చిన తీర్పును ధర్మాసనం ప్రస్తావించింది.
మైనర్పై అత్యాచారం కారణంగా ఐపీసీ, పోక్సో చట్టం కింద కేసును నిందితుడు ఎదుర్కొంటున్నాడు.
ఇదీ చూడండి: 'రేప్ చేసిన వ్యక్తితోనే పెళ్లి'కి సుప్రీం నో!
