'కఠోర నిజాలను మోదీ సర్కార్ కప్పిపుచ్చుతోంది'

కరోనా విషయంలో మరోసారి కేంద్రంపై తీవ్ర స్థాయిలో విమర్శలు గుప్పించారు కాంగ్రెస్ నేత రాహుల్ గాంధీ. ప్రణాళిక లేని ప్రభుత్వ నిర్ణయాలు లక్షలాది మందిని పేదరికంలోకి నెట్టాయని ఆరోపించారు. ఇలాంటి కఠోర నిజాలను మోదీ ప్రభుత్వం అబద్ధాలతో కప్పిపుచ్చుకుంటోందని విమర్శలు చేశారు.

కరోనా వైరస్ నియంత్రణలో నరేంద్ర మోదీ ప్రభుత్వం విఫలమైందన్నారు కాంగ్రెస్ నేత రాహుల్​ గాంధీ. ప్రణాళిక లేని లాక్​డౌన్​ వల్ల దేశవ్యాప్తంగా లక్షలాది మంది పేదరికంలోకి జారుకున్నారని ఆరోపించారు. ఎంతో మంది ఆరోగ్యాం ప్రమాదంలో పడిందన్నారు. డిజిటల్ విభజనతో విద్యార్థుల తమ భవిష్యత్​తో రాజీ పడాల్సిన పరిస్థితులు నెలకొన్నాయని పేర్కొన్నారు.

ఆరోగ్యం, కుటుంబ సంక్షేమంపై పార్లమెంటరీ కమిటీ నివేదక ఆధారంగా.. ట్విట్టర్​లో విమర్శలు చేశారు రాహులు.

'ఇవన్నీ ప్రభుత్వం తన అబద్ధాలతో కప్పిపుచ్చుకోవాలని చూస్తున్న కఠోర నిజాలు' అని రాహుల్ మరో ట్వీట్​లో పేర్కొన్నారు.

ఓ పత్రికా కథనాన్ని ఉటంకిస్తూ.. హాథ్రస్ హత్యాచార బాధితురాలి కుటుంబానికి రక్షణ లేదని ఉత్తర్ ప్రదేశ్ ప్రభుత్వంపైనా విమర్శలు చేశారు రాహుల్.

ఇదీ చూడండి:మహారాష్ట్రలో మళ్లీ లాక్​డౌన్​​ విధిస్తారా?