'నైపుణ్యం ఉంటే అవకాశాల తలుపులు తెరిచే ఉంటాయి'

నైపుణ్యాలు ఉన్న యువతకు అంతరిక్షం, అణుశక్తి, వ్యవసాయం.. రంగాల్లో తలుపులు తెరిచే ఉంటాయని ప్రధాని నరేంద్ర మోదీ తెలిపారు. 2021-22 కేంద్ర బడ్జెట్​లో విద్యారంగంలో కేటాయింపులపై నిర్వహించిన వెబినార్​లో ఆయన ప్రసంగించారు. యువత జ్ఞానాన్ని, పరిశోధనను పరిమితం చేస్తే దేశ సామర్థ్యానికి అన్యాయం చేసినట్లు అవుతుందన్నారు.

నైపుణ్యాలు కలిగిన యువతకు అంతరిక్షం, అణుశక్తి, వ్యవసాయం.. తదితర రంగాల్లో అవకాశాలు ఎప్పుడూ ఉంటాయని ప్రధాని నరేంద్ర మోదీ తెలిపారు. కేంద్ర బడ్జెట్​లో విద్యారంగం కేటాయింపులపై నిర్వహించిన వెబినార్​లో ఆయన ప్రసంగించారు. యువత జ్ఞానాన్ని, పరిశోధనను పరిమితం చేస్తే దేశ సామర్థ్యానికి అన్యాయం చేసినట్లు అవుతుందన్నారు.

" భారతీయ భాషలను ప్రోత్సహించేందుకే నూతన విద్యావిధానం. ప్రపంచంలోని ప్రతి విషయాన్ని భారతీయ భాషల్లోకి అనువదించేలా దేశంలోని భాషా నిపుణులు కృషి చేయాలి. ఈ సాంకేతిక యుగంలో ఇది సాధ్యమే. 'ఆత్మనిర్భర్​ భారత్​'ను నిర్మించాలంటే యువతలో ఆత్మవిశ్వాసం ముఖ్యం. యువత.. తమ విద్య, నైపుణ్యాలు, జ్ఞానాన్ని మెరుగుపరుచుకుంటే ఆత్మవిశ్వాసం వస్తుంది."

-- ప్రధాని నరేంద్ర మోదీ

2021-22 బడ్జెట్​లో వైద్య రంగం తర్వాత అత్యధికంగా విద్యారంగంపైనే దృష్టి సారించామని ప్రధాని తెలిపారు. విద్య, ఉపాధి అనుసంధానమే లక్ష్యంగా బడ్జెట్​ను రూపొందించామన్నారు. దాని ఫలితమే సాంకేతిక పరిశోధనల పబ్లికేషన్​లో ప్రపంచంలోనే భారత్​ మూడో స్థానంలో ఉందన్నారు.

ఇదీ చదవండి : బంగాల్​ దంగల్​: భాజపాలో గంగూలీ చేరిక ఖాయమా?