ఓ వైపు దేశవ్యాప్తంగా పెట్రో ధరలు ఆకాశాన్నంటుతున్నాయి. లీటర్ పెట్రోల్ 100కు చేరువైంది. ఈ తరుణంలో రూపాయికే లీటర్ పెట్రోల్ ఇస్తే.. ఆశ్చర్యమే కదా!. ముంబయి ఠాణేకు చెందిన డోంబివలీ యువసేన.. రూపాయికే లీటర్ పెట్రోల్ కార్యక్రమాన్ని చేపట్టింది. రాష్ట్ర పర్యావరణ శాఖ మంత్రి ఆదిత్య ఠాక్రే జన్మదినం( జూన్ 13) సందర్భంగా ఠాణేలోని ఉస్మా పెట్రోల్ బంక్లో ఈ కార్యక్రమం నిర్వహించారు.
రూపాయికే లీటరు పెట్రోల్ ఇస్తున్నారన్న వార్త అందగానే.. పెట్రోల్ బంక్కు పరుగులుతీశారు వాహనదారులు. బంకు ముందు కిలోమీటర్ల మేర క్యూలైన్లు కనిపించాయి.
అక్కడ రూ. 50కే పెట్రోల్..
మరోవైపు మహారాష్ట్ర అంబర్నాథ్ వింకో నకాలోని ఓ పెట్రోల్ బంక్లో లీటర్ పెట్రోల్ రూ. 50 కే అందించారు. ఉదయం 11 నుంచి ఒంటిగంట మధ్య వచ్చిన వారు ఈ సదుపాయాన్ని వినియోగించుకోవచ్చన్నారు.
ఇదీ చదవండి : Live Video: క్షణాల్లోనే కారు మాయం!
