Odisha Bus Accident: ఒడిశా నబరంగ్పుర్ జిల్లాలో ఘోర ప్రమాదం జరిగింది. ఈ దుర్ఘటనలో పంచాయతీ ఎన్నికల విధుల్లో ఉన్న ముగ్గురు పోలింగ్ సిబ్బంది(విలేజ్ గార్డులు) మృతి చెందారు. మరో 25 మంది గాయపడ్డారు. క్షతగాత్రులను సమీప ఆస్పత్రికి తరలించారు.
ఈ ప్రమాదం శుక్రవారం రాత్రి 7.30 గంటల ప్రాంతంలో మోకియా సమీపంలోని సోరిస్‌పదర్ గ్రామంలో జరిగినట్లు పోలీసులు తెలిపారు. ప్రమాద సమయంలో బస్సులో 45 మంది గార్డులు ఉన్నట్లు చెప్పారు. రాష్ట్రంలో ఈ నెల 20న మూడోదశ స్థానిక ఎన్నికలు జరగనున్నాయి. దీనిలో భాగంగా గార్డులను కాసరగుమడ బ్లాక్కు తరలిస్తుండగా ప్రమాదం జరిగినట్లు పేర్కొన్నారు.
ఇదీ చూడండి: డ్రైవింగ్ మాత్రమే కాదు 'ఓటు' వేయడం కూడా డ్యూటీనే!
