ప్రధాని మోదీ కేబినెట్లో కొత్తగా నియమితులైన మంత్రులు గురువారం బాధ్యతలు స్వీకరించారు. సమాచార, ప్రసార శాఖ మంత్రిగా అనురాగ్ ఠాకుర్ బాధ్యతలు చేపట్టారు. అనురాగ్ ఠాకుర్కు క్రీడలు, యువజన వ్యవహాల మంత్రిగా కూడా కేంద్రం బాధ్యతలు అప్పగించింది.
రైల్వే శాఖకు..
రైల్వే శాఖ మంత్రిగా అశ్వినీ వైష్ణవ్ బాధ్యతలు చేపట్టారు. ప్రధాని మోదీ ఆశయాలకు అనుగుణంగా కృషి చేస్తానని వైష్ణవ్ పేర్కొన్నారు. రైల్వే శాఖ సహా వైష్ణవ్.. ఎలక్ట్రానిక్స్, ఐటీ, కమ్యూనికేషన్ శాఖలకు కేబినెట్ మంత్రిగా బాధ్యతలు స్వీకరించారు.
రైల్వే సహాయక మంత్రిగా దాన్వే రోవుసాహిబ్ దాదారావ్, దర్షన విక్రమ్ జర్దోశ్ బాధ్యలు తీసుకున్నారు.
ఆరోగ్య శాఖకు..
ఆరోగ్య శాఖ మాజీ మంత్రి హర్షవర్ధన్ స్థానంలో మన్సుఖ్ మాండవీయా బాధ్యతలు స్వీకరించారు. ఆరోగ్య శాఖతో పాటు కుటుంబ సంక్షేమం, రసాయనాలు, ఎరువులు శాఖలకు మంత్రిగా మన్సుఖ్కు కేంద్రం బాధ్యతలు అప్పగించింది.
సహాయక మంత్రిగా డాక్టర్ భారతీ పార్విన్ బాధ్యతలు స్వీకరించారు.
ఇతర శాఖలకు..
ఉక్కు శాఖ మంత్రిగా రామచంద్ర ప్రసాద్ సింగ్ బాధ్యతలు చేపట్టారు. విధుల్లో పారదర్శకంగా వ్యవహరిస్తానని ప్రసాద్ సింగ్ పేర్కొన్నారు. మరోవైపు న్యాయశాఖ మంత్రిగా మాజీ క్రీడా శాఖ మంత్రి కిరణ్ రిజిజు బాధ్యతలు స్వీకరించారు. రిజిజు స్థానంలో ప్రస్తుతం క్రీడా శాఖ మంత్రిగా అనురాగ్ ఠాకుర్ కొనసాగనున్నారు.
మోదీ కేబినెట్ విస్తరణలో భాగంగా వివిధ రాష్ట్రాలకు చెందిన 43 మంది కేంద్ర మంత్రులుగా బుధవారం ప్రమాణ స్వీకారం చేశారు. ఇదివరకు ఉన్న 53 మంత్రులలో 12 మందికి ఉద్వాసన పలికారు.
ఇదీ చదవండి : Cabinet Expansion: మోదీ కేబినెట్లో భారీ ప్రక్షాళన
