'సహచరుల తప్పిదాలే పరమ్​బీర్​ సింగ్​ బదిలీకి కారణం'

ముకేశ్​ అంబానీ ఇంటివద్ద బాంబు కేసును సక్రమంగా దర్యాప్తు చేసేందుకే ముంబయి పోలీస్​ కమిషనర్​ పరమ్​బీర్​ సింగ్​ను బదిలీ చేసినట్టు ఆ రాష్ట్ర హోం మంత్రి అనిల్​ దేశ్​ముఖ్​ తెలిపారు. పరమ్​బీర్​ సింగ్​ సహచరులు చేసిన తప్పిదాలే ఆయన బదిలీకి కారణమయ్యాయని వెల్లడించారు.

ముంబయి పోలీస్​ కమిషనర్​గా పరమ్​బీర్​ సింగ్​ను తొలగించడంపై మహారాష్ట్ర హోంమంత్రి అనిల్​ దేశ్​ముఖ్​ స్పందించారు. అనిల్​ అంబానీ ఇంటివద్ద బాంబు కేసులో.. పరమ్​బీర్​ సహచరులు చేసిన తీవ్రమైన తప్పిదాల కారణంగానే ఆయన బదిలీ అయ్యారని దేశ్​ముఖ్​ వెల్లడించారు. బాంబు కేసు దర్యాప్తు సవ్యంగా జరపాలనే ఉద్దేశంతోనే ఆయన్ను అక్కడి నుంచి బదిలీ చేసినట్టు చెప్పారు.

ఈ కేసును మహారాష్ట్ర ఉగ్ర నిరోధక సంస్థ(ఏటీఎస్​), జాతీయ దర్యాప్తు సంస్థ(ఎన్​ఐఏ) దర్యాప్తు చేస్తున్నట్లు దేశ్​ముఖ్​ వెల్లడించారు.

ఇదీ చదవండి: 'అంబానీ ఇంటి వద్ద బాంబు'పై ఎన్​ఐఏ దర్యాప్తు

ప్రముఖ పారిశ్రామికవేత్త ముకేశ్‌ అంబానీ నివాసం వద్ద బాంబు కేసు దర్యాప్తులో తీవ్ర విమర్శలు ఎదుర్కొంటున్న పరమ్​బీర్​ సింగ్​ను హోం గార్డు విభాగానికి డైరెక్టర్​ జనరల్​(డీజీ)గా బదిలీ చేసింది రాష్ట్ర ప్రభుత్వం. ఆయన స్థానంలో హేమంత్‌ నగ్రాలేను నియమించింది.

ఇదీ చదవండి: పీపీఈ కిట్​ ధరించిన వ్యక్తి వాజేనే: ఎన్​ఐఏ