Man Rapes Goat In Karnataka : మేకపై అత్యాచారానికి పాల్పడ్డాడు ఓ కామాంధుడు. అక్కడితో ఆగకుండా ఈ దుశ్చర్యను తన మొబైల్ ఫోన్లో రికార్డు చేశాడు. దీనిపై ఓ స్థానికుడు ఇచ్చిన ఫిర్యాదుతో కేసు నమోదు చేసుకున్న పోలీసులు దర్యాప్తు చేపట్టారు. ఈ ఘటన కర్ణాటక.. రామనగర జిల్లాలోని చన్నపట్టణలో జరిగింది.
పోలీసులు తెలిపిన వివరాల ప్రకారం.. చన్నపట్టణలోని ఇందిరా కాటేజీ ప్రాంతంలో శుక్రవారం ఈ ఘటన జరిగింది. ఆ ప్రాంతంలో నిర్మాణంలో ఉన్న ఇంటి వద్దకు మేకను తీసుకెళ్లాడు ఓ డ్రైవర్. అనంతరం మేకపై అత్యాచారానికి పాల్పడ్డాడు. ఆ ఘటనను తన సెల్ఫోన్లో రికార్డ్ చేశాడు. అయితే, డ్రైవర్ హావభావాలు అనుమానాస్పదంగా కనిపించడం వల్ల అతడిని జమీర్ ఖాన్ అనే వ్యక్తి ఫాలో అయ్యాడు. నిందితుడు మేకపై అఘాయిత్యానికి పాల్పడుతుండటం చూసి పోలీసులకు ఫిర్యాదు చేశాడు. దీనిపై చర్యలు తీసుకోవాల్సిందిగా విజ్ఞప్తి చేశాడు. జమీర్ ఫిర్యాదు ఆధారంగా కేసు నమోదు చేసిన పోలీసులు.. దర్యాప్తు చేపట్టారు.
గర్భంతో ఉన్న మేకపై గ్యాంగ్ రేప్..
మూగ జీవాలపై ఇలాంటి అఘాయిత్యాలకు ఒడిగట్టిన ఘటనలు ఇంతకుముందు కూడా జరిగాయి. గతేడాది కాసరగోడ్ జిల్లా కనహాగడ్లో నాలుగు నెలల గర్భంతో ఉన్న మేకపై ముగ్గురు వ్యక్తులు గ్యాంగ్ రేప్నకు పాల్పడ్డారు. అనంతరం ఆ మేకను హత్య చేశారు.
పోలీసులు తెలిపిన వివరాలు ప్రకారం.. స్థానికంగా మొయిదీన్ కుంజూ అనే వ్యక్తికి ఓ రెస్టారెంట్ ఉంది. కార్మిక సంఘాల సమ్మె కారణంగా సెలవు ఇవ్వడం వల్ల.. ఆ సమయంలో రెస్టారెంట్ వెనుక మేకను కట్టేసి ఉంచాడు. అదే రోజు రాత్రి కుంజూకు మేక అరుస్తున్న శబ్దం వినిపించింది. వెళ్లి చూస్తే.. మరో రెస్టారెంట్లో పనిచేసే సెంథిల్(తమిళనాడు వాసి), అతడి స్నేహితులు ఇద్దరు కనిపించారు. నాలుగు నెలల గర్భంతో ఉన్న మేకపై వారు అప్పటికే అత్యాచారం చేసి, హత్య చేశారు. కుంజూను చూడగానే అక్కడి నుంచి పారిపోయేందుకు యత్నించారు నిందితులు. స్థానికుల సాయంతో సెంథిల్ను పట్టుకుని పోలీసులకు అప్పగించాడు కుంజూ. మిగతా వారి కోసం పోలీసులు గాలింపు చర్యలు చేపట్టారు. పూర్తి వివరాల కోసం ఈ లింక్పై క్లిక్ చేయండి.
అర్ధరాత్రి ఆవుపై అత్యాచారం- రెడ్హ్యాండెడ్గా పట్టుకున్న యజమాని
