మహారాష్ట్రలో కొవిడ్-19 విజృంభిస్తోంది. తాజాగా రాష్ట్రంలో 58,952 కరోనా కేసులు నమోదయ్యాయి. దీంతో రాష్ట్రంలో మొత్తం బాధితుల సంఖ్య 35,78,160కి చేరింది. మరో 278 మంది వైరస్కు బలయ్యారు. ప్రస్తుతం రాష్ట్రంలో 6,12,070 యాక్టివ్ కేసులున్నాయి.
ముంబయి, నాగ్పూర్, పుణె వంటి నగరాల్లో వైరస్ ఉద్ధృతి తీవ్రంగా ఉంది. ముంబయిలో తాజాగా 9,925 కేసులు నమోదుకాగా.. 54 మంది మృతిచెందారు. నాగ్పూర్లో 5,993 కేసులు నమోదయ్యాయి.
ఛత్తీస్గఢ్లో కొవిడ్ ఉద్ధృతి..
ఛత్తీస్గఢ్లో కొత్తగా 14,250 మందికి కొవిడ్ సోకింది. ఈ రాష్ట్రంలో వైరస్ కారణంగా మరణిస్తున్నవారి సంఖ్య తీవ్రంగా పెరుగుతోంది. కొత్తగా 73 మంది వైరస్కు బలయ్యారు. 1,18,636 యాక్టివ్ కేసులున్నాయి.
దిల్లీలో..
దేశరాజధాని దిల్లీలోను కరోనా వ్యాప్తి తీవ్రమవుతుంది. ఒక్కరోజే 17,282 మందికి కరోనా పాజిటివ్గా తేలింది. ఫలితంగా మొత్తం బాధితుల సంఖ్య 7,67,438కి చేరింది. మరో 104మంది మృతి చెందారు.
కర్ణాటకలో వైరస్ పంజా..
కర్ణాటకలో 11265 మందికి వైరస్ సోకింది. 38 మంది ప్రాణాలు కోల్పోయారు. ప్రస్తుతం రాష్ట్రంలో 85,480 యాక్టివ్ కేసులున్నాయి.
గుజరాత్లో..
గుజరాత్లో 7,410 కొత్త కేసులు నమోదయ్యాయి. 73 మంది వైరస్ కారణంగా మృతిచెందారు. రాష్ట్రంలో ప్రస్తుతం 39,250 క్రియాశీల కేసులున్నాయి.
తమిళనాడులో..
తమిళనాడులోనూ కొవిడ్ కేసులు తీవ్రంగా పెరుగుతున్నాయి. తాజాగా 7,819 మందికి పాజిటివ్ అని తేలగా.. 25 మంది మరణించారు. ఫలితంగా మొత్తం కేసుల సంఖ్య 9,54,948కి పెరిగింది. యాక్టివ్ కేసుల సంఖ్య 54,315గా ఉంది.
ఇదీ చదవండి:'దేశాల మధ్య సహకారంతో ప్రచ్ఛన్న యుద్దానికి ముగింపు'
