Kumbakonam Honor Killing: తమిళనాడు కుంభకోణంలో పరువు హత్య కలకలం రేపింది. ప్రేమించి పెళ్లి చేసుకున్న ఓ జంటను.. యువతి కుటుంబసభ్యులు దారుణంగా హత్య చేశారు. పెళ్లైన ఐదు రోజులకే ఈ దారుణానికి ఒడిగట్టారు నిందితులు.
ఇదీ జరిగింది: కుంభకోణం సమీపంలోని తులుక్కవేళి గ్రామానికి చెందిన 24 ఏళ్ల శరణ్య.. చెన్నైలో నర్సుగా పనిచేస్తోంది. ఈమెకు అక్కడే పొన్నూర్లో నివసించే 31 ఏళ్ల మోహన్తో ఐదు నెలల క్రితం పరిచయం ఏర్పడి ప్రేమగా మారింది. ఇదే క్రమంలో శరణ్య సోదరుడు శక్తివేల్.. ఆమెకు తన బావ రంజిత్తో పెళ్లి చేయాలనుకున్నాడు. ఈ విషయం శరణ్యకు చెప్పగా.. ఆమె నుంచి ఎలాంటి స్పందన రాలేదు. గతవారమే చెన్నైలో మోహన్ను వివాహం చేసుకొని.. కుటుంబసభ్యులకు ఫోన్ చేసి చెప్పింది. దీంతో కోపోద్రిక్తుడైన శక్తివేల్.. వారి హత్యకు ప్లాన్ చేశాడు. రిసెప్షన్ కోసం నూతన జంటను ఇంటికి ఆహ్వానించాడు.
పోలీసుల వివరాల ప్రకారం.. సోమవారమే తులుక్కవేళికి వచ్చిన దంపతులు శక్తివేల్ ఇంట్లో భోజనం చేశారు. కొద్దిసేపటి తర్వాత చెన్నై వెళ్లేందుకు సిద్ధమయ్యారు. అప్పుడే శక్తివేల్, రంజిత్ ఇద్దరూ శరణ్య, మోహన్ను వెంటాడి దాడిచేశారు. తీవ్రగాయాలపాలైన ఇరువురూ అక్కడికక్కడే ప్రాణాలు కోల్పోయారు. నిందితులు ఇద్దరూ పోలీస్ స్టేషన్లో లొంగిపోయారు. శరణ్య ఎస్సీ సామాజిక వర్గానికి చెందినది కాగా.. మోహన్ ముదలియార్(బీసీ) కమ్యూనిటీకి చెందిన వ్యక్తిగా పోలీసులు తెలిపారు. ఇదే హత్యకు కారణమై ఉండొచ్చని అనుమానిస్తున్నారు.
ఇవీ చూడండి: 'అన్నను కలిపిస్తే... పరువు దక్కిందేమో అడుగుతా?'
ప్రేమపై పగ.. మతం వేరని హత్య.. యువకుడ్ని రాళ్లతో దారుణంగా కొట్టి...
