India Indigenous Weapon: భవిష్యత్తులో యుద్ధాలను ఎదుర్కోవడానికి స్వదేశీ ఆయుధ వ్యవస్థలతో సిద్ధంగా ఉండాలని అన్నారు ఆర్మీ చీఫ్ జనరల్ మనోజ్ ముకుంద్ నరవాణే. ఆ దిశగా చర్యలు తీసుకోవాలని తెలిపారు. ఉక్రెయిన్- రష్యా మధ్య కొనసాగుతున్న యుద్ధం ఈ గుణపాఠాన్ని నేర్పుతోందని చెప్పారు.
"కొనసాగుతున్న ఉక్రెయిన్- రష్యా యుద్ధం నుంచి నేర్చుకోగల అనేక పాఠాలు ఉన్నాయి. యుద్ధాలు ఎప్పుడైనా జరగవచ్చని ఈ సంక్షోభం సూచిస్తుంది. భవిష్యత్తులో స్వదేశీ ఆయుధాలతో పోరాడటానికి మనం సిద్ధంగా ఉండాలి. రక్షణ వ్వవస్థలో ఆత్మనిర్భర్ వైపు భారత్ అడుగులు వేయాలి."
-మనోజ్ ముకుంద్ నరవాణే, ఆర్మీ చీఫ్
రష్యా, ఉక్రెయిన్ నుంచి భారత్ చాలాకాలంగా విడి పరికరాలు, ఆయుధాలను దిగుమతి చేసుకుంటోంది. ఈ యుద్ధం నేపథ్యంలో ఆర్మీ చీఫ్ ఈ విధంగా స్పందించారు. ఉక్రెయిన్పై రష్యా ఫిబ్రవరి 24న మొదలుపెట్టిన యుద్ధం.. 13 రోజులుగా కొనసాగుతోంది. బాంబుల మోతతో నగరాలు దద్దరిల్లుతున్నాయి.
ఇదీ చదవండి: కేంద్రం గుడ్న్యూస్.. విమాన సర్వీసులపై నిషేధం ఎత్తివేత
