Hijab issue in Karnataka: హిజాబ్ వివాదం నేపథ్యంలో కర్ణాటక ప్రభుత్వం కీలక ఆదేశాలు జారీ చేసింది. మైనారిటీ సంక్షేమ శాఖ పరిధిలోని విద్యాసంస్థలకు చెందిన విద్యార్థులు కూడా హిజాబ్, కాషాయ కండువాలు లేక ఇతర మతపరమైన దుస్తులు ధరించడంపై నిషేధం విధించింది. ఇటీవల కర్ణాటక హైకోర్టు జారీ చేసిన ఆదేశాలను పేర్కొంటూ గురువారం ఈ మేరకు ప్రకటన విడుదల చేసింది.
ఇటీవల కర్ణాటక హైకోర్టు తదుపరి ఆదేశాలు ఇచ్చేవరకు రాష్ట్రంలోని స్కూల్స్, కాలేజీల్లో విద్యార్థులు మతపరమైన దుస్తులు ధరించవద్దని ఆదేశాలు జారీ చేసింది. తాజాగా కర్ణాటక ప్రభుత్వం ఈ ఆదేశాలను మైనార్టీ శాఖ పరిధిలోని మౌలానా ఆజాద్ మోడల్ స్కూల్ సహా స్కూల్స్ కాలేజీలకు వర్తింపజేస్తూ కొత్త ఆదేశాలను విడుదల చేసింది.
మరోవైపు శివమొగ్గ జిల్లాలో హైకోర్టు ఆదేశాలను ఉల్లంఘించిన కారణంగా తొమ్మిది మందిపై కేసు నమోదైంది.
ఇదీ చూడండి : 'భాజపా గెలిస్తే స్టూడెంట్స్కు స్కూటీలు, ల్యాప్టాప్లు ఫ్రీ!'
