కరోనా విజృంభణ కారణంగా గుజరాత్లోని ఆనంద్ జిల్లాలో గత నెలన్నరలో 217 మంది పిల్లలు కరోనా బారిన పడ్డారు. ఏప్రిల్లో 104 మందికి కరోనా సోకగా.. ఈనెల కేవలం 11 రోజుల్లో 113 మంది పిల్లలకు వైరస్ సోకింది. ఏప్రిల్లో నమోదైన మొత్తం కరోనా కేసుల్లో 5.6 శాతం 18 ఏళ్లలోపు వారివే కావడం గమనార్హం. మే నెలలో ఇది ఆరు శాతానికి పెరిగింది.
ఇప్పటివరకు ఆనంద్ జిల్లాలో మొత్తం 3,20,695 మందికి పరీక్షలు నిర్వహించగా 6,808 మందికి వైరస్ ఉన్నట్లు తేలింది. 31 మంది ప్రాణాలు కోల్పోయారు. అయితే గత రెండు నెలల్లోనే 3,739 మందికి కొవిడ్ సోకడం గమనార్హం.
ఇదీ చదవండి : పిల్లలపై 'కొవాగ్జిన్' ట్రయల్స్కు డీసీజీఐ గ్రీన్సిగ్నల్
