దేశంలో గుండెపోటు కలవరం- 10లక్షల మందికి CPR ట్రైనింగ్​- 1000కిపైగా కేంద్రాల్లో

Government CPR Training : గుండెపోటుకు గురైన వ్యక్తులకు సీపీఆర్ చేసి ప్రాణాలు కాపాడేందుకు కేంద్రం శిక్షణా కార్యక్రమాన్ని ప్రారంభించింది. ఈ కార్యక్రమంలో భాగంగా సుమారు 10 లక్షల మందికి సీపీఆర్​పై శిక్షణ కల్పించనుంది.

Government CPR Training : ప్రస్తుత రోజుల్లో వయసుతో సంబంధం లేకుండా గుండెపోటుతో అనేక మంది మరణిస్తున్నారు. దేశవ్యాప్తంగా ఇలాంటి మరణాలు తీవ్ర కలవరం సృష్టిస్తున్నాయి. కొద్దిరోజుల క్రితం గుజరాత్‌లో దసరా పండగ సందర్భంగా గర్బా నృత్యం చేస్తూ పలువురు మృతి చెందడం ఆందోళన కలిగించింది. ఈ అనూహ్య మరణాలను తగ్గించేందుకు కేంద్ర ప్రభుత్వం చర్యలు ప్రారంభించింది. దేశవ్యాప్తంగా సీపీఆర్‌ టెక్నిక్‌లో శిక్షణ ఇచ్చేందుకు బుధవారం కేంద్ర ఆరోగ్య శాఖ ఒక కార్యక్రమాన్ని ప్రారంభించింది.

• Union Health Minister Dr Mansukh Mandaviya along with MoS Prof. S P Singh Baghel and Dr Bharti Praveen Pawar participated in the launch of a nationwide awareness campaign on CPR technique in Delhi today pic.twitter.com/GIyW74WVYn

  — ANI (@ANI) December 6, 2023 " class="align-text-top noRightClick twitterSection" data="

  Union Health Minister Dr Mansukh Mandaviya along with MoS Prof. S P Singh Baghel and Dr Bharti Praveen Pawar participated in the launch of a nationwide awareness campaign on CPR technique in Delhi today pic.twitter.com/GIyW74WVYn

  — ANI (@ANI) December 6, 2023

  ">

  Union Health Minister Dr Mansukh Mandaviya along with MoS Prof. S P Singh Baghel and Dr Bharti Praveen Pawar participated in the launch of a nationwide awareness campaign on CPR technique in Delhi today pic.twitter.com/GIyW74WVYn

  — ANI (@ANI) December 6, 2023

సీపీఆర్​పై శిక్షణా కార్యక్రమం
కేంద్ర ఆరోగ్య శాఖ మంత్రి మన్‌సుఖ్ మాండవీయ డిసెంబర్ 6న ఈ శిక్షణా కార్యక్రమాన్ని ప్రారంభించారు. ఈ శిక్షణ దేశంలోని అన్ని ప్రాంతాల్లో అమలుకానుంది. ఈ కార్యక్రమంలో భాగంగా సుమారు 10 లక్షల మందికి సీపీఆర్​పై శిక్షణ కల్పిస్తారు. గుర్తింపు పొందిన వెయ్యికి పైగా వైద్యకేంద్రాల ద్వారా ఈ శిక్షణ ఇస్తారు. జిమ్‌లో పనిచేసేవారూ ఈ శిక్షణలో భాగస్వాములు అవ్వనున్నారు.

అధికారిక లెక్కల ప్రకారం- 2021 నుంచి 2022 మధ్య గుండెపోటు వల్ల కలిగే మరణాలు 12.5 శాతం పెరిగాయి. గుండెపోటు మరణాల గురించి ఇటీవలే మాండవీయ మాట్లాడారు. కొవిడ్‌-19 కారణంగా తీవ్ర ఆరోగ్య సమస్యలకు గురై కోలుకున్నవారు తర్వాత ఒకటి నుంచి రెండేళ్లపాటు ఎక్కువగా శ్రమించకపోవడమే మంచిదని ఆయన తెలిపారు. ఈ మేరకు ఆయన భారత వైద్య పరిశోధన మండలి (ఐసీఎంఆర్​) అధ్యయనాన్ని వెల్లడించారు.

గుజరాత్​లో గుండెపోటుతో 1052 మరణాలు
గుజరాత్‌లో గడిచిన ఆరు నెలల్లో గుండెపోటు కారణంగా 1052 మంది మృతి చెందినట్లు ఇటీవలే అక్కడి ప్రభుత్వం వెల్లడించింది. ప్రాణాలు కోల్పోయిన వారిలో 80 శాతం మంది 11-25 ఏళ్ల మధ్య వయసువారే. ఇలా గుండెపోటు ఘటనలు పెరుగుతున్న నేపథ్యంలో సీపీఆర్‌(CPR)పై అవగాహన కల్పించేందుకు దాదాపు 2లక్షల మంది టీచర్లు, కాలేజీ ప్రొఫెసర్లకు శిక్షణ ఇవ్వనున్నట్లు కేంద్రం తెలిపింది.

India Defeat Fans Death : ఇటీవల జరిగిన​ వన్డే ప్రపంచకప్​ ఫైనల్​లో సొంతగడ్డపై భారత్​ ఓడిపోవడాన్ని తట్టుకోలేక ఇద్దరు అభిమానులు గుండెపోటుతో మరణించారు. మరో ఇద్దరు యువకులు ఆత్మహత్య చేసుకున్నారు. హిమాచల్​ప్రదేశ్ సిర్మౌర్ జిల్లాకు చెందిన ఓ ఆర్​టీసీ డ్రైవర్.. ఆదివారం(నవంబర్​ 19న) జరిగిన ఫైనల్​ మ్యాచ్​ను చూస్తూ.. గుండెపోటుకు గురై ప్రాణాలు కోల్పోయాడు. ఈ పూర్తి వార్త కోసం ఇక్కడ క్లిక్ చెయ్యండి.