ప్రభుత్వ ఉద్యోగాల్లో ట్రాన్స్జెండర్లకు ఒక శాతం రిజర్వేషన్ కల్పిస్తున్నట్లు కర్ణాటక ప్రభుత్వం ప్రకటించింది. ఈ మేరకు రాష్ట్ర హైకోర్టుకు తెలిపింది.
ట్రాన్స్జెండర్లు, హెచ్ఐవీ బాధితుల సంక్షేమం కోసం పనిచేసే సంగమ వాలంటరీ ఆర్గనైజేషన్ దాఖలు చేసిన ప్రజా ప్రయోజన వ్యాజ్యంపై జస్టిస్ ఏఎస్ ఓకా నేతృత్వంలోని ధర్మాసనం విచారణ జరిపింది.
ట్రాన్స్జెండర్ల కోసం ప్రభుత్వ ఉద్యోగాల్లో ఒక శాతం రిజర్వేషన్ కల్పిచాలని సుప్రీంకోర్టు ఆదేశించిందని రాష్ట్ర ప్రభుత్వ తరపు న్యాయవాది విజయ్కుమార్ పాటిల్.. హైకోర్టుకు తెలిపారు. దీనికి సంబంధించి ప్రభుత్వం ముసాయిదా నోటిఫికేషన్ కూడా జారీ చేసిందని వివరించారు.
వాదనలు విన్న బెంచ్.. తదుపరి విచారణను జూలై 20కి వాయిదా వేసింది.
ఇదీ చదవండి: PM Modi: 66 శాతం మంది మోదీకే జై!
