Family Found Dead: నలుగురు కుటుంబ సభ్యులు ఇంట్లో మృతి చెంది కనిపించటం కేరళలోని త్రిస్సూర్లో కలకలం సృష్టించింది. కొడుంగలూర్కు చెందిన ఐటీ నిపుణుడు ఆసిఫ్(41), ఆయన భార్య అబీరా(38), పిల్లలు అజ్రా ఫాతిమా(14), ఐనున్నీసాలు (7) వారి ఇంట్లోని ఒకే గదిలో విగతజీవులుగా కనిపించారు. ఆదివారం ఉదయం 10 గంటల వరకు ఎవరూ వారిని చూడలేదు. బంధువులు వచ్చి చూడగా చనిపోయినట్లు తెలిసింది.
సమాచారం అందుకున్న కొండగలూర్ పోలీసులు.. సంఘటనాస్థలానికి చేరుకుని తనిఖీ చేశారు. విషపూరితమైన కార్బన్ మోనాక్సైడ్ విషవాయువును పీల్చటం ద్వారానే వారి మరణించి ఉంటారని అనుమానిస్తున్నట్లు చెప్పారు. గదిలో ఈ వాయువు అనవాళ్లు కనిపించటమే అందుకు కారణం.
మరోవైపు.. ఇది ఆత్మహత్య కేసుగా భావిస్తున్నారు పోలీసులు. అసిఫ్కు ఆర్థిక ఇబ్బందులు ఉన్నట్లు తెలిపారు.
ఇదీ చూడండి: ఫేస్బుక్లో ప్రేమ.. కాసేపట్లో పెళ్లి.. అంతలోనే వరుడు మృతి
