మధ్యప్రదేశ్ జబల్పుర్లోని ఓ ప్రైవేట్ ఆసుపత్రిలో విషాదం జరిగింది. ఆక్సిజన్ కొరతతో గెలాక్సీ ఆసుపత్రిలో చికిత్స పొందుతున్న ఐదుగురు కరోనా రోగులు మృతి చెందారు. దీంతో మృతుల కుటుంబ సభ్యులు ఆసుపత్రి ఎదుట ఆందోళనకు దిగారు. సమాచారం తెలుసుకున్న పోలీసులు ఘటనా స్థలానికి చేరుకుని పరిస్థితిని అదుపులోకి తెచ్చారు. ఈ ఘటనపై పూర్తి స్థాయిలో విచారణ చేపట్టినట్లు పోలీసులు తెలిపారు.
'ఆక్సిజన్ కొరత లేదు'
అయితే ఆసుపత్రి యాజమాన్యం మాత్రం.. తమ ఆసుపత్రిలో సరిపడా ఆక్సిజన్ ఉందని తెలిపింది. సాంకేతిక లోపం కారణంగానే ఈ ప్రమాదం జరిగి ఉండవచ్చన్నారు వైద్యులు. గతంలోనూ ఈ ఆసుపత్రిలో ఇలాంటి ఘటన జరిగి ఐదుగురు మరణించారని మృతుల కుటుంభసభ్యులు ఆరోపించారు. రోగులతో ఆసుపత్రి యాజమాన్యం నిర్లక్ష్యంగా వ్యవహరిస్తోందన్నారు.
ఇదీ చదవండి : 'ఆపరేషన్ ఆక్సిజన్'లో వాయుసేన సాయం
