celebrations at crematorium: అంతిమ సంస్కారాలు నిర్వహించే సమయంలో శ్మశానంలో వాతావరణం మొత్తం బంధువుల ఆర్తనాదాలు, కన్నీటితో నిండిపోయి ఉంటుంది. కానీ, ఉత్తర్ప్రదేశ్, వారణాసిలోని మణికర్ణిక ఘాట్ (కాశీ శ్మశానవాటిక) వద్ద డీజే పాటలు, డ్యాన్సులు కనిపించాయి. ఓవైపు చితి మంటలు మండుతూనే ఉన్నాయి.. మరోవైపు సంతోషంగా ఉత్సవాలు నిర్వహించారు. బాబా భోలేనాథ్ ముందు నగర్వధువులు(నృత్యకారులు) డ్యాన్సులు చేశారు. వారిపై కొందరు నోట్ల వర్షం కురిపించారు.
అలా ఎందుకు చేస్తారు?: ఇలా చితి మంటల మధ్య నృత్యాలు, ప్రార్థనలు చేసే సంప్రదాయం 378 ఏళ్లుగా వస్తున్నట్లు బాబా మహాశ్మశాన్ నాథ్ ఆలయ అధికారి గుల్షాన్ కపూర్ తెలిపారు. " ఈ సంప్రదాయం వందల ఏళ్లుగా కొనసాగుతోంది. బాబా మహాశ్మశాన్ నాథ్ ఆలయాన్ని రాజా మాన్సింగ్ పునర్నిర్మింమించారు. అయితే, ఆలయంలో పాటలు పాడటం, నృత్యాలు చేసేందుకు ఎవరూ ముందుకు రాలేదు. దీంతో రాజా మాన్సింగ్ కలత చెందారు. ఈ విషయం నగరం మొత్తం వ్యాపించింది. సంస్థానంలోని నగర్వధువులకు ఈ విషయం తెలిసింది. ఈ అవకాశం తమకు ఇస్తే నగరంలోని నృత్యాకారులంతా బాబా ముందు ప్రదర్శన చేసేందుకు వస్తారని రాజుకు తెలియజేశారు. వెంటనే వారికి అవకాశం కల్పించారు రాజు. అప్పటి నుంచి ఈ సంప్రదాయం నడుస్తోంది." అని తెలిపారు కుల్షాన్.
ఈ సంప్రదాయాన్ని కొనసాగిస్తే తమకు నరకం నుంచి విముక్తి లభిస్తుందని నగర్వధువు(నృత్యకారులు)లకు ఆలోచన వచ్చినట్లు తెలిపారు గుల్షాన్ కపూర్. అందుకే వందల ఏళ్లు గడుస్తున్నా ఈ పద్ధతిని కొనసాగిస్తున్నారని చెప్పారు. చైత్ర నవరాత్రి తర్వాత ఏడో రోజు నగరంలోని వివిధ ప్రాంతాల నుంచి నగర్వధువులు మణికర్ణిక ధామ్కు చేరుకుని ఈ ఉత్సవాల్లో పాల్గొంటారన్నారు. మహాశ్మశాన్నాథ్ బాబా ఉత్సవాలు శవాలు కాలుతుండగానే నిర్వహిస్తారని చెప్పారు. ఈ ఉత్సవాలు చూసేందుకు నగరవాసులతో పాటు ఇతరులు సైతం వస్తారు. అక్కడి ఘాట్లో ఇలాంటి కార్యక్రమంలో చూడటం ఇదే తొలిశారని కొందరు తెలిపారు.
ఇదీ చూడండి: ఆశారాం బాపు ఆశ్రమం వద్ద బాలిక మృతదేహం.. కారులోనే కుళ్లిపోయి..
