Encounter in Kashmir valley: జమ్ముకశ్మీర్లో ఉగ్రవాదుల ఏరివేత ముమ్మరంగా సాగుతోంది. పుల్వామా జిల్లాలో బుధవారం తెల్లవారుజామున జరిగిన ఎన్కౌంటర్లో ముగ్గురు జైషే మొహమ్మద్ ఉగ్రవాదులను మట్టుబెట్టాయి భద్రతా దళాలు.
జిల్లాలోని చండ్గామ్ గ్రామంలో ఉగ్రవాదులు నక్కి ఉన్నారన్న సమాచారం మేరకు.. నిర్బంధన తనిఖీలు చేపట్టాయి బలగాలు. ఈ క్రమంలో జవాన్లపైకి కాల్పులు జరిపారు ముష్కర మూకలు. వారిని నిలువరించేందుకు బలగాలు కాల్పులు జరపగా.. ఎన్కౌంటర్కు దారితీసింది. ముగ్గురు ఉగ్రవాదులు హతమైనట్లు ఓ పోలీసు అధికారి తెలిపారు. బలగాల కాల్పుల్లో హతమైన వారిలో పాకిస్థాన్కు చెందిన వ్యక్తితో పాటు మరో ఇద్దరుకి జైషే మొహమ్మద్ ఉగ్రసంస్థతో సంబంధాలు ఉన్నట్లు చెప్పారు.
సంఘటనా స్థలంలో భారీగా మందుగుండు సామగ్రి, రెండు ఎం-4 కార్బెన్స్, ఒక ఏకే సీరీస్ రైఫిల్ వంటి ఆయుధాలను స్వాధీనం చేసుకున్నారు పోలీసులు. తమ ఆపరేషన్కు ఇది గొప్ప విజయమని పేర్కొన్నారు.
ఇదీ చూడండి:
