దేశంలో కరోనా మహమ్మారి విజృంభిస్తున్న వేళ బార్ కౌన్సిల్ సభ్యుల్లో ధైర్యం నింపే ప్రయత్నం చేశారు పదవీ విరమణ చేసిన భారత ప్రధాన న్యాయమూర్తి జస్టిస్ శరద్ అరవింద్ బోబ్డే. నమ్మకం కోల్పోవద్దని, పరిస్థితులు మరతాయన్నారు. ముందు ముందు మంచి రోజులు వస్తాయన్నారు.
కరోనా వైరస్తో చోటు చేసుకున్న మార్పులపై మాట్లాడారు బోబ్డే. ప్రస్తుతం ప్రపంచంలో కృత్రిమ మేధకు చాలా ప్రాముఖ్యత ఉందని నొక్కి చెప్పారు.
"మహమ్మారితో ఎదురైన పరిస్థితులతో కలత చెందిన బార్ కౌన్సిల్ యువ సభ్యులకు ఒక్కటే చెబుతున్నా.. నమ్మకం కోల్పోవద్దు. ముందుకు సాగండి, పరిస్థితులు మారతాయి. కృత్రిమ మేథవైపు అడుగులు వేయాలని మేము నిర్ణయించాం. ఆర్టిఫిషియల్ ఇంటిలిజెన్స్ను పొందకపోతే.. మనకు చాలా నష్టం జరుగుతుంది. "
- జస్టిస్ ఎస్ఏ బోబ్డే, సీజేఐ
బోబ్డే పదవీ విరమణ చేసిన క్రమంలో ఆయన స్థానంలో 48వ సీజేఐగా జస్టిస్ ఎన్వీ రమణ బాధ్యతలు స్వీకరించన్నారు. 'అధునాత సాకేంతికతో న్యాయ వ్యవస్థను మార్పు చేయాలనే లక్ష్యంతో సోదరుడు జస్టిస్ బోబ్డే అత్యున్నత పీఠాన్ని అధిరోహించారు. అయితే.. కొవిడ్ మహమ్మారి ఆ ప్రయత్నాలకు అడ్డుపడింది. అయినప్పటికీ బోడ్డే తన నమ్మకాన్ని కోల్పోలేదు' అని గుర్తు చేశారు జస్టిస్ రమణ
అయోధ్య మధ్యవర్తిత్వంలో షారుఖ్ ఖాన్..
అయోధ్య భూమి వివాద మధ్యవర్తిత్వ ప్యానల్లో బాలీవుడ్ సూపర్స్టార్ షారుఖ్ ఖాన్ ఉండాలని జస్టిస్ బోబ్డే కోరుకున్నట్లు తెలిపారు సుప్రీం కోర్ట్ బార్ అసోసియేషన్ అధ్యక్షుడు వికాస్ సింగ్. సీజేఐ విడ్కోలు సమావేశం సందర్భంగా ఈ విషయాన్ని వెల్లడించారు. ఖాన్ సైతం అందుకు అంగీకరించారని, కానీ అది ఆచరణలోకి రాలేదన్నారు. అయోధ్య విచారణలో జస్టిస్ బోబ్డే ప్రారంభ స్టేజ్లో ఉన్నారని, ఆయన మధ్యవర్తిత్వం ద్వారానే సమస్య పరిష్కారం కావాలని కోరుకున్నట్లు వెల్లడించారు.
ఇదీ చూడండి: 'సంతృప్తి, జ్ఞాపకాలతో సుప్రీంకోర్టుకు వీడ్కోలు'
