మహాకూటమి నందిగ్రామ్ అభ్యర్థిగా మీనాక్షీ ముఖర్జీ

బంగాల్​ నందిగ్రామ్​లో తమ అభ్యర్థిని ఖరారు చేసింది మహా కూటమి. సీఎం మమతా బెనర్జీ, సువేందు అధికారిలకు పోటీగా.. సీపీఐ(ఎం)నేత మీనాక్షీ ముఖర్జీని బరిలోకి దింపనున్నట్లు ప్రకటించింది.

బంగాల్​లో కీలకంగా మారిన నందిగ్రామ్​ అసెంబ్లీ స్థానంలో.. మహా కూటమి(వామపక్షం-కాంగ్రెస్​-ఐఎస్​ఫ్​) తరఫున సీపీఐ(ఎం​) నేత మీనాక్షి ముఖర్జీ బరిలోకి దిగనున్నారు. ఈ మేరకు వామపక్ష నేతృత్వంలోని కూటమి నిర్ణయించినట్టు ఛైర్మన్​ బిమాన్​ బోస్​ తెలిపారు.

తృణమూల్​ కాంగ్రెస్​(టీఎంసీ) నుంచి సీఎం మమతా బెనర్జీ, భాజపా అభ్యర్థి సువేందు అధికారి ఇదే స్థానం నుంచి పోటీ చేస్తున్నందువల్ల.. ఆ నియోజకవర్గంపై సర్వత్రా ఆసక్తి నెలకొంది.

294 అసెంబ్లీ స్థానాలున్న బంగాల్​లో మార్చి 27 నుంచి ఏప్రిల్ 29 వరకు 8 దశల్లో ఎన్నికలు జరగనున్నాయి.

ఇదీ చదవండి: దీదీ అస్తిత్వ పోరు- టీఎంసీకి 'చావో-రేవో'!