హోం ఐసోలేషన్లో ఉంటూ చికిత్స తీసుకుంటున్న కరోనా రోగులు రెమ్డెసివిర్ ఇంజక్షన్ను తీసుకోవద్దని ఎయిమ్స్ వైద్యులు సూచించారు. ఒక వేళ వారిలో ఆక్సిజన్ స్థాయి 94కంటే తక్కువకు పడిపోతే ఆసుపత్రిలో చేరాలని తెలిపారు. హోం ఐసోలేషన్లో ఉన్న వారు తీసుకోవాల్సిన జాగ్రత్తల గురించి ఎయిమ్స్ వెద్యులు వెబినార్ నిర్వహించారు.
"ఇంటివద్ద రెమ్డెసివిర్ ఎట్టిపరిస్థితుల్లోనూ తీసుకోకూడదు. క్రమం తప్పకుండా వ్యాయామం చేయాలి. అలాగే ఆశావాద దృక్పథం కలిగి ఉండాలి."
-డాక్టర్ నీరజ్ నిశ్చల్, ఎయిమ్స్
"కరోనా నుంచి కోలుకున్న 80శాతం మందిలో మళ్లీ సల్వ మోతాదులో కొవిడ్ లక్షణాలు కనబడుతున్నాయి. మళ్లీ వారు ఆర్టీ పీసీఆర్ పరీక్ష చేయించుకోవాలి. ఆర్టీ పీసీఆర్ ఫలితం నెగటివ్ వచ్చి, లక్షణాలు ఉంటే మరో సారి పరీక్ష చేయించుకోవాలి" అని అన్నారు.
60 ఏళ్లు పైబడి, మధుమేహం, గుండె సమస్యలు, ప్రాణాంతక వ్యాధులున్న కరోనా రోగులు వైద్యుల సలహా మేరకు హోం ఐసోలేషన్లో ఉండాలని సూచించారు.
ఇదీ చదవండి: 'స్టిరాయిడ్ల దుర్వినియోగమే.. బ్లాక్ ఫంగస్కు కారణం'
