భోపాల్, ఇండోర్ నగరాల్లో కరోనా కేసులు అంతకంతకూ పెరుగుతోన్న నేపథ్యంలో ఆ నగరాల్లో రాత్రిపూట కర్ఫ్యూ విధించే యోచనలో ఉన్నట్లు మధ్యప్రదేశ్ ముఖ్యమంత్రి శివరాజ్ సింగ్ చౌహాన్ వెల్లడించారు. ఈ మేరకు ఆదివారం లేదా సోమవారం నుంచి కర్ఫ్యూ అమలు చేయనున్నట్లు అధికార వర్గాలు తెలిపాయి. రాష్ట్రంలో తాజా పరిస్థితిపై సమీక్షా సమావేశం నిర్వహించిన చౌహాన్.. ప్రధాన నగరాల్లో కరోనా కేసులు పెరిగిపోతుండటంపై ఆందోళన వ్యక్తం చేశారు.
కరోనా కేసులను నియంత్రించేందుకు కఠిన చర్యలు తీసుకోవాలని అధికారులను సీఎం శివరాజ్ సింగ్ చౌహాన్ ఆదేశించారు. ప్రజలంతా వైరస్ నిబంధనలు పక్కాగా పాటించేలా చూడాలని సూచించారు. సరిహద్దు రాష్ట్రం మహారాష్ట్ర నుంచి వచ్చే రైలు, రోడ్డు, విమాన ప్రయాణికులకు థర్మల్ స్క్రీనింగ్ నిర్వహించాలని స్పష్టం చేశారు. మహారాష్ట్ర నుంచి వచ్చే ప్రయాణికులపై ఆంక్షలు విధించాలనే అంశంపైనా చర్చించినట్లు ఓ అధికారి తెలిపారు.
ఇండోర్లో కరోనా కేసులు 61,642కి చేరగా.. భోపాల్లో 45,079కి పెరిగాయి.
ఇదీ చదవండి: భారత్లో ఒక్కరోజే 24 వేల 882 కరోనా కేసులు
