వచ్చే ఏడాది యూపీ అసెంబ్లీ ఎన్నికలు(UP election 2022) జరగనున్న వేళ.. కాంగ్రెస్(Congress news) కీలక ప్రకటన చేసింది. 40 శాతం టికెట్లు మహిళలకే ఇవ్వనున్నట్లు పార్టీ ప్రధాన కార్యదర్శి ప్రియాంకా గాంధీ(UP election priyanka gandhi) స్పష్టం చేశారు.
''అధికారంలో మహిళలు పూర్తి స్థాయి భాగస్వామి కావాలని మేం కోరుకుంటున్నాం. మహిళల సాధికారత కోసమే కాంగ్రెస్ ఈ నిర్ణయం తీసుకుంది. దీని వెనుక రాజకీయ ఉద్దేశం, ఇతర అజెండాలు ఏమీ లేవు.''
- ప్రియాంకా గాంధీ వాద్రా, కాంగ్రెస్ ప్రధాన కార్యదర్శి
రానున్న ఎన్నికల్లో గెలుపే తమ లక్ష్యమని, అందుకే మహిళలకు సింహభాగం కేటాయించినట్లు పేర్కొన్నారు ప్రియాంక. కులమతాల పట్టింపుల్లేకుండా.. మెరిట్ ప్రాతిపదికన సీట్లు దక్కుతాయని వెల్లడించారు. లఖ్నవూలో విలేకరుల సమావేశం నిర్వహించిన ఆమె(UP election priyanka gandhi).. భాజపాపై ఆరోపణలు గుప్పించారు.
లఖింపుర్ ఖేరి ఘటన నిందితులను భాజపా రక్షిస్తోందని, బాధితులు మాత్రం న్యాయం కోసం ఎదురుచూస్తున్నారని అన్నారు ప్రియాంక.
''హాథ్రస్, లఖింపుర్లో ఏం జరిగిందో చూశాం. అలాంటి భాజపా ప్రభుత్వం నుంచి మీరు ఏం ఆశిస్తున్నారు?''
- ప్రియాంకా గాంధీ
2017లో జరిగిన అసెంబ్లీ(UP election 2022) ఎన్నికల్లో 312 స్థానాలు గెల్చుకొని.. యూపీలో భాజపా అధికారంలోకి వచ్చింది. సమాజ్వాదీ పార్టీ 47, బహుజన్ సమాజ్ పార్టీ 19 చోట్ల గెలవగా.. కాంగ్రెస్ (Congress news) మాత్రం 7 స్థానాలకే పరిమితమైంది. యూపీ శాసనసభలో మొత్తం 403 స్థానాలున్నాయి.
ఇదీ చూడండి: జొమాటోకు 'హిందీ' సెగ.. తమిళనాడులో రచ్చ!
