బాలీవుడ్ నటి సన్నీలియోనీ భర్త డేనియల్ వెబర్ను మోసగించిన వ్యక్తిని ముంబయి పోలీసులు అరెస్టు చేశారు. నిందితుడు పీయుష్ సేన్పై కేసు నమోదు చేసి, విచారిస్తున్నారు. పీయుష్.. డేనియల్ వెబర్ స్నేహితుడు కావడం గమనార్హం.
అసలు ఏం జరిగింది?
లగ్జరీ కార్లంటే ఇష్టపడే డేనియల్.. కొద్ది రోజుల క్రితం పీయుష్ సేన్ నుంచి మెర్సిడీస్ బెంజ్ కారు కొనుగోలు చేశాడు. అయితే తను ఎలాంటి ట్రాఫిక్ ఉల్లంఘనలకు పాల్పడక పోయినా తరచూ ఈ-చలాన్లు వచ్చేవి. దీనిపై ట్రాఫిక్ పోలీసులకు ఫిర్యాదు చేశాడు. పోలీసులు చేపట్టిన దర్యాప్తులో అసలు విషయం బయటపడింది.
డేనియల్కు విక్రయించిన వాహనంలాంటి దానిలోనే.. అదే నంబరు ఉన్న నకిలీ ప్లేటుతో పీయుష్ తిరిగేవాడు. తరచూ ట్రాఫిక్ నిబంధనలను ఉల్లంఘించేవాడు. ఈ క్రమంలో అతడు పోలీసులకు మంగళవారం పట్టుబడ్డాడు.
ఇదీ చదవండి : తమిళనాడులో పబ్లిక్ పరీక్షలు రద్దు
