గుజరాత్ ముఖ్యమంత్రిగా భాజపా నేత భూపేంద్ర పటేల్ సోమవారం ప్రమాణ స్వీకారం చేయనున్నట్లు పార్టీ వర్గాలు తెలిపాయి. ఆదివారం జరిగిన శాసనసభాపక్ష సమావేశంలో భూపేంద్ర పటేల్ను ఏకగ్రీవంగా ఎన్నికున్నారు పార్టీ ఎమ్మెల్యేలు. విజయ్ రూపానీ రాజీనామాతో ఏర్పడిన ఉత్కంఠకు తెరదించారు.
అయితే.. ఆయన ఒక్కరే సోమవారం ప్రమాణస్వీకారం చేయనున్నట్లు రాష్ట్ర భాజపా అధ్యక్షుడు సీఆర్ పాటిల్ తెలిపారు.
గవర్నర్ను కలిసిన నేతలు
గుజరాత్ ముఖ్యమంత్రిగా ఎంపికైన క్రమంలో గాంధీ నగర్లోని రాజ్భవన్లో గవర్నర్ ఆచార్య దేవ్రత్ను కలిశారు భూపేంద్ర పటేల్. ఆయనతో పాటు మాజీ సీఎం విజయ్ రూపానీ, రాష్ట్ర భాజపా అధ్యక్షుడు సీఆర్ పాటిల్, పలువురు సీనియర్ నేతలు నేతలు హాజరయ్యారు.
పటేల్పై రూపానీ ప్రశంసలు..
భూపేంద్ర పటేల్ సీఎం పదవికి సమర్థుడని కొనియాడారు మాజీ సీఎం విజయ్ రూపానీ. ఆయన నాయకత్వంలో వచ్చే శాసనసభ ఎన్నికల్లో భాజపా విజయం సాధిస్తుందనే నమ్మకం ఉన్నట్లు చెప్పారు.
షా శుభాకాంక్షలు..
గుజరాత్ భాజపా శాసనసభాపక్ష నేతగా ఎన్నికైన భూపేంద్ర పటేల్కు శుభాకాంక్షలు తెలిపారు కేంద్ర హోంమంత్రి, భాజపా అగ్రనేత అమిత్ షా. ప్రధాని మోదీ మార్గదర్శకంలో రాష్ట్ర అభివృద్ధి మరింత ముందుకు వెళుతుందని, ప్రజా సంక్షేమం, సుపరిపాలన అందిస్తారనే నమ్మకం ఉందన్నారు.
