ఉన్నావ్ అత్యాచార ఘటన బాధితురాలు ఉత్తరప్రదేశ్లోని ఓ ఆసుపత్రిలో చికిత్స పొందుతోంది. ఆమె ఆరోగ్య పరిస్థితి విషమంగా ఉన్నట్లు సమాచారం.
ఇదీ జరిగింది...
రాయ్బరేలీ జైలులోని తమ బంధువును చూసేందుకు... ఆదివారం బాధితురాలు సహా ఆమె కుటుంబసభ్యులు, న్యాయవాది బయలుదేరారు. దారి మధ్యలో వారి వాహనాన్ని ఓ ట్రక్కు వేగంగా ఢీకొనడం వల్ల ప్రమాదం జరిగింది. ఈ ఘటనలో బాధితురాలి పిన్ని, మేనత్త అక్కడికక్కడే ప్రాణాలు కోల్పోయారు. మిగిలిన వారికి తీవ్ర గాయాలయ్యాయి. వెంటనే ఆసుపత్రికి తరలించారు.
వెంటిలేటర్పై చికిత్స...
ఆసుపత్రిలో క్షతగాత్రులను లఖ్నవూ జోన్ ఏడీజీ పరామర్శించారు. అనంతరం వారి పరిస్థితి విషమంగా ఉందని, వెంటిలేటర్పై చికిత్స పొందుతున్నారని ప్రకటించారు.
నిజానికి బాధితురాలితో పాటు భద్రతా సిబ్బంది ఉండాలని.. కారులో ఖాళీ లేకపోవడం వల్లే వారితో పాటు వెళ్లలేదని తెలిపారు. ప్రమాదంపై దర్యాప్తు చేస్తున్నామన్నారు.
దేశవ్యాప్తంగా ఉన్నావ్ అత్యాచార ఘటన కలకలం రేపింది. ఈ కేసులో భాజపా ఎమ్మెల్యే కుల్దీప్ సెనగర్ నిందితుడు. ఆయనను 2018 ఏప్రిల్‌ 13న అరెస్టు చేశారు. బాలికపై ఎమ్మెల్యే అత్యాచారం చేశాడంటూ ఆ చిన్నారి తల్లి ఫిర్యాదు చేసింది. సీఎం కార్యాలయం ఎదుట బాధితురాలు బలిదానానికి సిద్ధపడటం వల్ల ఈ కేసు సంచలనమైంది.
ఇదీ చూడండి: నేడు ముంబయిలో భారీ వర్షాలు- భయాందోళనలో ప్రజలు
