ఇటీవలే ప్రమాదానికి గురైన ఉన్నావ్ కేసు బాధితురాలికి మెరుగైన వైద్యం అందించాలని అత్యున్నత న్యాయస్థానం ఆదేశించింది. లఖ్నవూ నుంచి దిల్లీలోని ఎయిమ్స్కు వాయుమార్గంలో తీసుకెళ్లాలని సూచించింది.
ప్రస్తుతం బాలిక పరిస్థితి విషమంగా ఉంది. లఖ్నవూలోని కింగ్జార్జ్ ఆసుపత్రిలో చికిత్స పొందుతోంది. మెరుగైన వైద్య సదుపాయం కోసం కుటుంబ సభ్యులు చేసుకున్న వినతి మేరకు ధర్మాసనం ఈ నిర్ణయం తీసుకుంది. అదే ప్రమాదంలో గాయపడిన న్యాయవాది కుటుంబీకులు కోరితే అతన్ని కూడా ఎయిమ్స్కు తరలించాలని సుప్రీం కోర్టు సూచించింది.
ఇదీ జరిగింది...
దేశవ్యాప్తంగా ఉన్నావ్ అత్యాచార ఘటన కలకలం రేపింది. ఈ కేసులో భాజపా ఎమ్మెల్యే కుల్దీప్ సెనగర్ నిందితుడు. ఆయనను 2018 ఏప్రిల్‌ 13న అరెస్టు చేశారు. బాలికపై ఎమ్మెల్యే అత్యాచారం చేశాడంటూ ఆ చిన్నారి తల్లి ఫిర్యాదు చేసింది. సీఎం కార్యాలయం ఎదుట బాధితురాలు బలిదానానికి సిద్ధపడటం వల్ల ఈ కేసు సంచలనమైంది.
రాయ్బరేలీ జైలులోని తమ బంధువును చూసేందుకు... కొద్ది రోజుల క్రితం బాధితురాలు సహా ఆమె కుటుంబసభ్యులు, న్యాయవాది బయలుదేరారు. దారి మధ్యలో వారి వాహనాన్ని ఓ ట్రక్కు వేగంగా ఢీకొనడం వల్ల ప్రమాదం జరిగింది. ఈ ఘటనలో బాధితురాలి పిన్ని, మేనత్త అక్కడికక్కడే ప్రాణాలు కోల్పోయారు. మిగిలిన వారికి తీవ్ర గాయాలయ్యాయి.
ఇదీ చూడండి: కశ్మీర్ డైరీ: 70 ఏళ్ల సమస్య- ఒక్క రోజులో చకచకా
