దేశంలో శాసనసభలో ప్రాతినిధ్యంలో లేకుండా ముఖ్యమంత్రి పీఠాన్ని అధిరోహించిన వారు ఎందరో ఉన్నారు. తాజాగా వారి సరసన శివసేన అధ్యక్షుడు ఉద్ధవ్ ఠాక్రే నిలిచారు. మహారాష్ట్రలో ఠాక్రేతో కలిపి ఇప్పటి వరకు 8మంది ఈ విధంగా ముఖ్యమంత్రి పదవిని చేపట్టారు.
అందరూ కాంగ్రెస్సే!
కాంగ్రెస్ నేతలు( ఏఆర్ అంతులయ్, వసంత్దాదా పాటిల్, శివాజిరావ్ నిలంగెకర్-పాటిల్, శంకర్రావ్ చవాన్, సుశీల్ కుమార్ శిందే, పృథ్వీరాజ్ చవాన్) ఇదే విధంగా ముఖ్యమంత్రి పదవిని చేపట్టారు. అప్పటి కాంగ్రెస్ నేత, ప్రస్తుత ఎన్సీపీ అధ్యక్షుడు శరద్ పవార్ కూడా ఇదే తరహాలో సీఎంగా ప్రమాణస్వీకారం చేశారు.
రాజ్యాంగం ప్రకారం ఎవరైనా అసెంబ్లీ, శాసన మండలిలో సభ్యునిగా లేకుండా సీఎం పదవి చేపడితే.. ఆరు నెలల్లోగా వారు శాసనసభకు ప్రాతినిధ్యం వహించాలి.
ఈ తరహాలో మహారాష్ట్రలో తొలిసారి పదవి చేపట్టిన నేత అంతులయ్. 1980 జూన్లో రాష్ట్ర ముఖ్యమంత్రిగా ఆయన ప్రమాణం చేశారు.
ఎంపీగా రాజీనామా చేసిన అనంతరం 1983 ఫిబ్రవరిలో సీఎం పీఠాన్ని అధిరోహించారు వసంత్దాదా పాటిల్.
1985 జూన్లో నిలంగెకర్-పాటిల్, శంకర్రావ్ చవాన్(అప్పటి కేంద్రమంత్రి) మార్చి 1986లో శాసనసభలో లేకుండానే సీఎం పదవిని చేపట్టారు.
1993 ముంబయి అలర్ల కారణంగా అప్పటి ముఖ్యమంత్రి సుధాకర్రావ్ నాయక్ను తొలగించారు. అనంతరం అదే ఏడాది మార్చిలో.. నాటి నరసింహా రావు ప్రభుత్వంలో రక్షణమంత్రిగా ఉన్న పవార్ను మహారాష్ట్ర ముఖ్యమంత్రిని చేసింది కాంగ్రెస్.
మన్మోహన్ సింగ్ నేతృత్వంలోని యూపీఏ హయాంలో మంత్రిగా ఉన్న పృథ్వీరాజ్ చవాన్... నవంబర్ 2010లో మహారాష్ట్ర ముఖ్యమంత్రిగా బాధ్యతలు చేపట్టారు.
వీరందరిలో అంతులయ్, నిలంగెకర్-పాటిల్ అసెంబ్లీ ఉప ఎన్నికల్లో గెలిచి తమ ముఖ్యమంత్రి పదవులను నిలబెట్టుకున్నారు. మిగతా నలుగురు శాసనమండలిలో విజయం సాధించి తమ బాధ్యతలను చేపట్టారు.
ఇదీ చూడండి:- వరుస శిక్షల అమలుపై విచారణకు సుప్రీం ఓకే
