మగ పులి దాడిలో 'దామిని'కి గాయాలు.. మృతి

రాజస్థాన్​లోని సజ్జన్​గఢ్​ జీవారణ్యంలో దామిని అనే ఆడ పులి మరణించింది. దామిని ఎన్​క్లోజర్​లోకి చొరబడిన కుమార్​ అనే మగపులి దాడిలో తీవ్రంగా గాయపడి ప్రాణాలు కోల్పోయింది.

రాజస్థాన్​ ఉదయ్​పుర్​లోని సజ్జన్​గఢ్​ జీవారణ్యంలో రెండు పులుల మధ్య జరిగిన ఘర్షణలో ఒకటి ప్రాణాలు కోల్పోయింది. 12 ఏళ్ల కుమార్​ అనే మగ పులి.. 15 ఏళ్ల దామిని అనే ఆడపులిని చంపేసింది.

దామిని నివసిస్తోన్న ప్రాంతంలోకి ఎన్​క్లోజర్​ ధ్వంసం చేసి కుమార్​ రావటమే ఈ ఘర్షణకు దారితీసింది. మగ పులి చేసిన దాడిలో దామిని తీవ్రంగా గాయపడి.. ప్రాణాలు కోల్పోయింది.

ఇక్కడ విధులు నిర్వహించే షూటర్​ సత్​నామ్ సింగ్​.. గోమతికి వెళ్లారు. అయితే సమయానికి సిబ్బంది అందుబాటులో లేకపోవటం వల్ల దామినిని కాపాడలేకపోయినట్లు తెలుస్తోంది. ప్రమాదవశాత్తు ఈ ఘటన జరిగిందని అటవీ శాఖ ప్రకటించింది.

ఇదీ చూడండి: పిడిగుద్దుల పోటీతో కొత్త ఏడాదికి స్వాగతం