వైద్యుడిని కొట్టి చంపిన రోగి బంధువులు!

చికిత్స పొందుతున్న సమయంలో రోగి చనిపోయాడని వైద్యుడిపైనే దాడికి దిగారు బంధువులు. ఆవేశంగా కొట్టి చంపేశారు.

వైద్యులపై జరుగుతున్న దాడులను అరికట్టాలంటూ దేశవ్యాప్తంగా డాక్టర్లు విధులు బహిష్కరించి మరీ నిరసనలు చేపట్టినా.. వారిపై దాడులు ఆగడం లేదు.

అసోం జోర్హట్ జిల్లాలోని టియాక్​లో రోగి బంధువుల దాడిలో ఓ సీనియర్ వైద్యుడు ప్రాణాలు విడిచాడు.

టియోక్ టీ గార్డెన్ లో వైద్యుడిగా పనిచేస్తున్న 73 ఏళ్ల డెబెన్ దత్తా చికిత్స చేస్తుండగా.. ఓ రోగి మృతిచెందాడు.

ఆగ్రహానికి గురైన మృతుడి బంధువులు దత్తాపై దాడి చేసి తీవ్రంగా గాయపరిచారు. సమాచారం తెలుసుకున్న పోలీసులు వైద్యుణ్ని ఆసుపత్రికి తరలించారు. చికిత్స పొందుతూ ఆయన ప్రాణాలు కోల్పోయారు. పోలీసులు కేసు నమోదు చేసి దర్యాప్తు చేపట్టారు.

ఇదీ చూడండి:బిడ్డకు కాలు విరిగితే బొమ్మకు కట్టుకట్టించిన తల్లి!