సుప్రీంకోర్టు న్యాయమూర్తులకు కొత్త రోస్టరు విధానాన్ని ఖరారు చేశారు. ఈ నెల 5 నుంచి అమల్లోకి రానున్న కొత్త రోస్టరు ప్రకారం ప్రజాప్రయోజన వ్యాజ్యాలను ప్రధాన న్యాయమూర్తి ఎస్ఏ బోబ్డేతో పాటు జస్టిస్ ఎన్వీ రమణ, జస్టిస్ పాలీ నారిమన్, జస్టిస్ యూయూ లలిత్, జస్టిస్ చంద్రచూడ్, జస్టిస్ అశోక్ భూషణ్, జస్టిస్ లావు నాగేశ్వరరావుల నేతృత్వంలోని ధర్మాసనాలు విచారిస్తాయి.
ఎన్నికలు, సామాజిక న్యాయం, హెబియస్ కార్పస్ కేసులను ప్రధాన న్యాయమూర్తి నేతృత్వంలోని ధర్మాసనం విచారిస్తుంది.
కోర్టు ధిక్కరణ కేసులను ప్రధాన న్యాయమూర్తి జస్టిస్ ఎస్ఏ బోబ్డే, జస్టిస్ యూయూ లలిత్లతో కూడిన బెంచ్లు చూస్తాయి. మతం, ధార్మిక సంబంధమైన విషయాలను జస్టిస్ ఎన్వీ రమణ, జస్టిస్ లలిత్, జస్టిస్ డీవై చంద్రచూడ్, జస్టిస్ అశోక్ భూషణ్ల నేతృత్వంలోని ధర్మాసనాలు విచారిస్తాయి. ఆర్బిట్రేషను కేసులు ప్రధాన న్యాయమూర్తి బోబ్డే, జస్టిస్ ఎన్వీ రమణ, జస్టిస్ పాలీ నారిమన్, జస్టిస్ ఇందూ మల్హోత్రా, జస్టిస్ ఇందూ బెనర్జీలతో కూడిన ధర్మాసనాలు చూస్తాయి.
2019 జులై 1న జారీ చేసిన రోస్టరు ఇప్పటివరకూ అమల్లో ఉంది. 5వ తేదీ నుంచి కొత్త రోస్టరు అమల్లోకి వస్తుంది.
