కంటెయిన్​మెంట్​ జోన్లలో పరీక్ష కేంద్రాలొద్దు

కరోనా వేళ దేశవ్యాప్తంగా విద్యాసంస్థలకు ఈ నెలాఖరులోపు తుది పరీక్షలు నిర్వహించేందుకు యూజీసీ గడువు విధించింది. ఈ నేపథ్యంలో పరీక్షల నిర్వహణకు సంబంధించి కేంద్ర వైద్య ఆరోగ్య శాఖ కీలక మార్గదర్శకాలు జారీ చేసింది. కంటెయిన్​​మెంట్ జోన్లలో పరీక్ష కేంద్రాలు పెట్టొద్దని ఆదేశించింది. కంటెయిన్​​మెంట్​ జోన్ల నుంచి వచ్చే విద్యార్థులు, సిబ్బందిని లోనికి అనుమతించొద్దని తెలిపింది. ఆ విద్యార్థులకు వేరే మార్గాల ద్వారా పరీక్షలు రాసేందుకు అనుమతివ్వడమో, లేదంటే తదుపరి పరీక్షలు రాసేందుకు అనుమతివ్వడమో, తదుపరి తేదీల్లో పరీక్షలు నిర్వహించడమో చేయాలని స్పష్టం చేసింది.

దేశంలోని అన్ని విద్యాసంస్థలు ఈ నెల 30 లోపు తుది సంవత్సరం/సెమిస్టర్​ పరీక్షలు నిర్వహించాలని యూజీసీ గడువు విధించిన నేపథ్యంలో ఈ సందర్భంగా అనుసరించాల్సిన ప్రమాణాలను కేంద్ర వైద్య, ఆరోగ్య శాఖ బుధవారం జారీచేసింది. ఈనెలలో జేఈఈ మెయిన్​, నీట్​ పరీక్షలు కూడా నిర్వహించాల్సి ఉండటంతో వీటిని విడుదల చేసింది.

పరీక్షల నిర్వహణ సమయంలో అడుగడుగునా భౌతికదూరం తప్పనిసరిగా పాటించాల్సిందేనని నిర్దేశించింది. కంటెయిన్​మెంట్​ జోన్లలో పరీక్షా కేంద్రాలు వద్దని, కంటెయిన్​మెంట్​ జోన్లలోని సిబ్బంది, విద్యార్థులను పరీక్షా కేంద్రం లోపలికి అనుమతించకూడదని స్పష్టం చేసింది. అలాంటి విద్యార్థులకు వేరే మార్గాల ద్వారా పరీక్షలు రాసేందుకు అనుమతివ్వడమో, లేదంటే తదుపరి పరీక్షలు రాసేందుకు అనుమతివ్వడమో, లేదంటే తదుపరి తేదీల్లో పరీక్షలు నిర్వహించడమో చేయాలని స్పష్టం చేసింది.

• పరీక్షా కేంద్రాల వద్ద జనం పోగవకుండా దశలవారీగా పరీక్షలు నిర్వహించేలా యూనివర్సిటీలు/ విద్యాసంస్థలు/పరీక్షా నిర్వహణ అధికారులు ప్రణాళికలు రూపొందించాలి.
• భౌతిక దూరం నిబంధనల మేరకు విద్యార్థుల మధ్య దూరం ఉండేలా సీట్లు ఏర్పాటు చేయాలి. గదుల సామర్థ్యం ఇందుకు అనుగుణంగా ఉండేలా చూసుకోవాలి.
• అవసరానికి తగ్గట్లు ఫేస్​కవర్లు/మాస్కులు, శానిటైజర్​, సబ్బు, హైపోక్లోరైట్​ సొల్యూషన్​ లాంటి వాటిని ఏర్పాటు చేయాలి.
• పరీక్షా కేంద్రంలోకి అడుగుపెట్టేటప్పుడు తమ ఆరోగ్య స్థితి గురించి పర్యవేక్షకులు, విద్యార్థులు స్వీయ ధ్రువీకరణ ఇవ్వాలి. అడ్మిట్​ కిట్లు జారీచేసేటప్పుడే ఈ స్వీయ ధ్రువీకరణ పత్రం, పాటించాల్సిన, పాటించకూడని నిబంధనలు కూడా విద్యార్థులకు పంపిణీ చేయాలి.
• పరీక్షా కేంద్రంలోకి ప్రవేశించేటప్పుడు అడ్మిట్​ కార్డుతో సహా తెచ్చుకోవాల్సిన గుర్తింపుకార్డులు, ఫేస్​ మాస్క్​, నీళ్ల సీసాలు, హ్యాండ్​ శానిటైజర్ల గురించి విద్యార్థులకు ముందే సమాచారం అందించాలి.
• భౌతిక నిబంధనలు పాటించడానికి అనుగుణంగా తగిన సంఖ్యలో రిజిస్ట్రేషన్​ గదులు, దస్తావేజుల పరిశీలన, అటెండెన్స్​ చూసుకోవడానికి సిబ్బందిని ఏర్పాటు చేయాలి.
• కొవిడ్​ నేపథ్యంలో పాటించాల్సిన ప్రవర్తనా నియమావళి గురించి పర్యవేక్షణ సిబ్బందికి ముందే తర్ఫీదు ఇవ్వాలి.
• కొవిడ్​-19 నేపథ్యంలో తీసుకోవాల్సిన జాగ్రత్తలను సూచించే పోస్టర్లు, వీడియోలను పరీక్షాకేంద్రంల లోపల, బయట ప్రదర్శించాలి.
• ప్రవేశ సమయంలో స్క్రీనింగ్​ చేసేటప్పుడు ఎవరిలోనైనా కొవిడ్​ లక్షణాలు కనిపిస్తే వెంటనే వేరుగా కూర్చోబెట్టడానికి ప్రత్యేక ఏకాంత గది ఏర్పాటుచేయాలి. వైద్య సలహా తీసుకొనేంతవరకు వారిని అందులో ఉంచాలి.

ప్రవేశం-నిష్క్రమణ

• పరీక్షా కేంద్రంలోకి ప్రవేశించేటప్పుడు అందర్నీ థర్మల్​ స్క్రీన్​ చేయాలి. తప్పనిసరిగా చేతులు శుభ్రం చేసుకోవాలి. ఆరోగ్యం గురించి స్వీయ ధ్రువీకరణ పత్రం ఇవ్వని సిబ్బందిని గానీ, విద్యార్థిని గానీ లోపలికి అనుమతించకూడదు.
• కొవిడ్​ లక్షణాలు కనిపించిన విద్యార్థులను సమీప ఆరోగ్య కేంద్రానికి పంపాలి. వారు వేరే విధానం ద్వారా పరీక్షలు రాసేలా చూడాలి.
• ఒకవేళ విద్యార్థిలో లక్షణాలు బయటపడిన తర్వాత కూడా పరీక్ష రాస్తానని పట్టుబడితే ప్రత్యేక ఏకాంతగదిలోకి మారిన తర్వాతే అనుమతించాలి.
• మాస్క్​/ఫేస్​కవర్​ ధరించిన సిబ్బంది, విద్యార్థులకే అనుమతివ్వాలి. పరీక్ష కేంద్రంలోకూడా అందరూ పరీక్షలు జరుగుతున్నంతసేపూ వాటిని ధరించే ఉండాలి.
• థర్మల్​ స్క్రీనింగ్​ తర్వాత విద్యార్థులను తనిఖీ(ఫ్రిస్కింగ్​)చేసే సిబ్బంది తప్పనిసరిగా త్రిపుల్​ లేయర్​ మెడికల్​ మాస్క్​, చేతికి తొడుగులు ధరించాలి.
• ేతి తొడుగులు మార్చుకున్న ప్రతిసారీ చేతులు తగిన విధంగా శుభ్రం చేసుకోవాలి.
• పరీక్ష పూర్తయిన 72 గంటల తర్వాత సమాధాన పత్రాలను తెరవడం మంచిది.
• పరీక్షా కేంద్రంలో విద్యార్థుల మధ్య వ్యక్తిగత వస్తువుల పంపిణీ జరగకుండా చూడాలి.
• ఏసీలు 24-30 డిగ్రీల మధ్యే నిర్వహించాలి. గదిలో తేమశాతం 40-70% ఉండేలా చూసుకోవాలి.

ఇదీ చూడండి:మోదీ ఖాతా హ్యాక్​- అంగీకరించిన ట్విట్టర్