'నేరరహిత రాజకీయాలకు సుప్రీం తీర్పుతో బాటలు'

రాజకీయ నాయకుల నేర చరిత్రను ఆయా పార్టీల అధికారిక వెబ్​సైట్లలో పొందుపరచాలని ఇటీవల సుప్రీంకోర్టు ఇచ్చిన తీర్పును కేంద్ర ఎన్నికల సంఘం స్వాగతించింది. నేర రహిత రాజకీయాలకు ఇది నైతిక కొలమానంగా దోహదపడుతుందని అభిప్రాయపడింది.

రాజకీయాలను నేర రహితంగా తీర్చిదిద్దేందుకు సుప్రీంకోర్టు ఇటీవల ఇచ్చిన తీర్పు నైతిక కొలమానంగా నిలుస్తుందని ఎన్నికల సంఘం అభిప్రాయపడింది. ఈ తీర్పును హృదయపూర్వకంగా స్వాగతిస్తున్నట్లు పేర్కొంది. ఎన్నికల రాజ్యాంగాన్ని మెరుగుపరిచేందుకు సర్వోన్నత న్యాయస్థానం ఆదేశాలు ఎంతో దోహదపడుతాయని తెలిపింది.

ఎన్నికల్లో పోటీలో చేసే అభ్యర్థులు తమపై ఉన్న కేసులకు సంబంధించిన వివరాలను టీవీలు, పేపర్ల ద్వారా ప్రజలకు తెలపాలని ఈసీ 2018 అక్టోబరు 10న చేసిన మార్గదర్శకాలకు సుప్రీం తీర్పునకు అనుగుణంగా మార్పులు చేస్తామని అధికారులు చెప్పారు.

నేర చరిత్ర పొందుపరచాలని తీర్పు

రాజకీయ పార్టీలు తమ అభ్యర్థుల నేర చరిత్రను అధికారిక వెబ్​సైట్లలో పొందుపరచాలని ఇటీవలే తీర్పునిచ్చింది సుప్రీంకోర్టు. వాళ్లకి టిక్కెట్​ ఇవ్వడానికి, ఎలాంటి నేర చరిత్ర లేనివారికి టిక్కెట్​ ఇవ్వకపోవడానికి గల కారణాలను ప్రజలకు తెలియజేయాలని ఆదేశాలు జారీ చేసింది.

ఈ తీర్పును పలు రాజకీయ పార్టీలు కూడా స్వాగతించాయి.