మధ్యప్రదేశ్ రివా జిల్లాకు చెందిన లతా టాండన్కు వంట చేయటం అంటే అమితాసక్తి. ఎంతలా అంటే కొన్ని గంటలపాటు నిర్విరామంగా వండగలరు. అదే ఆసక్తితో ప్రపంచ రికార్డును బద్దలు కొట్టేందుకు ప్రయత్నిస్తున్నారు.
గిన్నిస్ వరల్డ్ రికార్డు పరిశీలకుల సమక్షంలో హోటల్ స్టార్లో మంగళవారం ఉదయం 9 గంటలకు హల్వా, కిచిడీ తయారీతో లతా వంట ప్రారంభించారు. సెప్టెంబర్ 6వ తేదీ వరకు మొత్తం 72 గంటలపాటు వివిధ రకాల వంటలు చేయనున్నారు. ప్రతి గంటకు ఒక 5 నిమిషాల పాటు విరామం ఉంటుంది.
"సుదీర్ఘ సమయం. ఇంతకుముందు రికార్డు అమెరికాలో నమోదైంది. 68 గంటల 3 నిమిషాల పాటు వంట చేశారు. భారత్ తరఫున లత 72 గంటలకు పైగా చేయాలని సంకల్పించారు."
-మోహిత్ టాండన్, నిర్వాహకుడు
ఈ రికార్డు వంట కార్యక్రమాన్ని ప్రత్యేకంగా వీక్షించేందుకు స్థానికులు తరలివస్తున్నారు.
ఇదీ చూడండి: మూడు రోజుల పూజలు.. ఏడాదంతా గదిలోనే 'ఓనవిల్లు'!
