సుష్మా స్వరాజ్ మృతికి రాజ్యసభ సంతాపం
విదేశాంగ శాఖ మాజీ మంత్రి, భాజపా నాయకురాలు సుష్మా స్వరాజ్ మృతి పట్ల రాజ్యసభ సంతాపం ప్రకటించింది. సభలో సంతాప సందేశాన్ని రాజ్యసభ ఛైర్మన్ వెంకయ్యనాయుడు చదివి వినిపించారు. అనంతరం సభ్యులంతా రెండు నిమిషాల పాటు మౌనం పాటించి నివాళులర్పించారు.
ఈ సందర్భంగా సుష్మా స్వరాజ్ తనకు చెల్లెలితో సమానమని పేర్కొన్నారు ఛైర్మన్ వెంకయ్య. తనను ఎప్పుడూ 'అన్నా' అంటూ ఆప్యాయంగా పిలిచే వారని గుర్తు చేసుకున్నారు.
" శ్రీమతి సుష్మా స్వరాజ్ దయ, కరుణ, ఆప్యాయత కలిగిన నేత. ఆమె అకాలమరణం తీరని లోటు. దేశం సమర్థువంతమైన పరిపాలకులు, గొప్ప పార్లమెంటు సభ్యురాలు, ప్రజల గొంతుకను కోల్పోయింది."
-సంతాప సందేశం
ఇదీ చూడండి: సుష్మ భౌతికకాయం వద్ద మోదీ భావోద్వేగం
