కేంద్ర ప్రభుత్వం ఇటీవల తీసుకొచ్చిన వ్యవసాయ బిల్లులను నిరసిస్తూ.. పంజాబ్లో రైతులు చేస్తోన్న ఆందోళనలు మూడోరోజుకు చేరాయి. ఈ సందర్భంగా 'రైల్ రోకో' చేపట్టిన రైతులు.. ఫిరోజ్పుర్ రైల్వేస్టేషన్లో రైల్వేట్రాక్పై నిరసన తెలిపారు. పలు రైల్వే సేవలు నిలిచిపోయాయి. ఈ ఆందోళనల వల్ల ఈ నెల 24 నుంచి 26 వరకు 14 జంట రైళ్లను నిలిపివేస్తున్నట్టు తెలిపారు రైల్వే అధికారులు. ప్రయాణికుల భద్రత, రైల్వే ఆస్తులకు ఎలాంటి నష్టం వాటిల్లకుండా ఉండేందుకే ఈ నిర్ణయం తీసుకున్నట్టు పేర్కొన్నారు.
రాష్ట్రబంద్కు పిలుపు
'రైల్ రోకో' ఆందోళనకు కిసాన్ మజ్దూర్ సంఘర్ష్ కమిటీ పిలుపునివ్వగా.. మరికొన్ని రైతు సంఘాలు మద్దతు ప్రకటించాయి. వీరికి పలువురు ప్రభుత్వ ఉద్యోగులు, కార్మికులు సహా.. ఇతర విభాగాలు అండగా నిలిచాయి. నిరసనల్లో భాగంగా.. శుక్రవారం (సెప్టెంబర్ 25) రాష్ట్ర బంద్ నిర్వహించాలని 31 రైతు సంఘాలు పిలుపునిచ్చాయి.
వ్యవసాయ రంగంలో సంస్కరణల కోసం కేంద్రం ప్రతిపాదించిన రెండు బిల్లులు (ఫార్మర్స్‌ ప్రొడ్యూస్‌ ట్రేడ్‌ అండ్‌ కామర్స్‌, ఫార్మర్స్‌ అగ్రిమెంట్‌ ఆన్‌ ప్రైస్‌ అష్యూరెన్స్‌ అండ్‌ ఫామ్‌ సర్వీసెస్‌) ఈ నెల 20న రాజ్యసభలో ఆమోదం పొందాయి.
ఇదీ చదవండి: 'కొత్త బిల్లులతో రైతుల జీవితాల్లో విప్లవాత్మక మార్పులు'
