బంగాల్లోని ఓ ప్రైవేటు బస్సుల యాజమాన్యాల సంఘం అసాధారణ నిర్ణయం తీసుకుంది. ట్రాన్స్జెండర్ల కోసం ప్రత్యేకంగా రెండు సీట్లు కేటాయించాలని నిర్ణయించింది. ప్రతి బస్సులో హిజ్రాల కోసం 'త్రిధర' పేరుతో రెండు సీట్లు ఉంటాయన్నారు జాయింట్ కౌన్సిల్ ఆఫ్ బస్ సిండికేట్స్ ప్రధాన కార్యదర్శి తపన్ బెనర్జీ.
"ట్రాన్స్జెండర్లకు సీట్లు కేటాయించడం మాత్రమే దీని ఉద్దేశం కాదు. వారిని గుర్తించి, వారి పట్ల తోటి ప్రయాణికుల్లో అవగాహన కల్పించడమే ప్రధాన ధ్యేయం."
- తపన్ బెనర్జీ
రాష్ట్రంలో 35-40 వేల బస్సులు తమ సంఘం పరిధిలో ఉన్నాయని తెలిపారు తపన్. ఇప్పటికే కోల్కతాలోని పలు బస్సుల్లో ట్రాన్స్జెండర్ల కోసం ప్రత్యేక సీట్లను కేటాయించే ప్రక్రియ ప్రారంభించినట్లు చెప్పారు.
ఇదీ చదవండి: ఆరేళ్ల టీచర్ ఆన్లైన్ పాఠాలు సూపర్
