మోదీ మాట వెయ్యి కోట్లు- దీదీ పాట లక్ష కోట్లు

బంగాల్​లో 'అంపన్' తుపాను​ ప్రభావిత ప్రాంతాలను విహంగ వీక్షణం ద్వారా పరిశీలించారు ప్రధాని మోదీ. తక్షణ సాయంగా రూ.1000 కోట్లు ప్రకటించారు. అయితే ప్రకృతి విపత్తు కారణంగా రాష్ట్రానికి లక్ష కోట్ల నష్టం వాటిల్లిందని పేర్కొన్నారు బంగాల్​ సీఎం మమతా బెనర్జీ.

ప్రచండ తుపాను 'అంపన్‌' బీభత్సానికి చిగురుటాకులా వణికిన బంగాల్​లో పరిస్థితుల్ని ప్రత్యక్షంగా పరిశీలించారు ప్రధాని నరేంద్ర మోదీ. ఆ రాష్ట్ర ముఖ్యమంత్రి మమతా బెనర్జీతో కలిసి ఏరియల్‌ సర్వేలో పాల్గొన్నారు. అనంతరం మీడియాతో మాట్లాడిన ఆయన... రాష్ట్రానికి తక్షణ సాయంగా రూ. 1000 కోట్లు ప్రకటించారు.

బంగాల్​ పునర్నిర్మాణంలో మమతతో కలిసి పనిచేస్తామన్నారు ప్రధాని మోదీ. నష్టపోయిన ప్రజలకు కేంద్ర, రాష్ట్ర ప్రభుత్వాలు అండగా ఉంటాయని భరోసానిచ్చారు. తూపాను వల్ల మృతిచెందిన వారి కుటుంబాలకు రూ.2 లక్షలు, తీవ్రంగా గాయపడిన వారికి రూ.50 వేల చొప్పున పరిహారం ప్రకటించారు.

• #WATCH: PM Narendra Modi conducts aerial survey of areas affected by #CycloneAmphan in West Bengal. CM Mamata Banerjee is also accompanying. pic.twitter.com/Da7NebJhws

  — ANI (@ANI) May 22, 2020 " class="align-text-top noRightClick twitterSection" data="

  #WATCH: PM Narendra Modi conducts aerial survey of areas affected by #CycloneAmphan in West Bengal. CM Mamata Banerjee is also accompanying. pic.twitter.com/Da7NebJhws

  — ANI (@ANI) May 22, 2020

  ">

  #WATCH: PM Narendra Modi conducts aerial survey of areas affected by #CycloneAmphan in West Bengal. CM Mamata Banerjee is also accompanying. pic.twitter.com/Da7NebJhws

  — ANI (@ANI) May 22, 2020

మమత లెక్కలివే...

అంపన్​ దెబ్బకు రాష్ట్రంలో భారీ ఆస్తి, ప్రాణ నష్టం సంభవించిందని పేర్కొన్నారు బంగాల్​ సీఎం మమతా. విపత్తు ఫలితంగా రూ. లక్ష కోట్ల నష్టం వాటిల్లినట్లు పేర్కొన్నారు.

తుపాను కారణంగా ఇప్పటివరకు 80 మంది చనిపోగా.. వేల మంది నిరాశ్రయులయ్యారని.. భారీగా ప్రభుత్వ, ప్రైవేటు ఆస్తులు ధ్వంసమయ్యాయని చెప్పారు. ఉత్తర, దక్షిణ 24 పరగణాలు, మిధనాపుర్​, కోల్​కతా, హావ్​డా, హూజ్లే జిల్లాల్లో తుపాను తీవ్ర ప్రభావం చూపిందని మమత వెల్లడించారు.