సరిహద్దులో కాల్పుల విరమణ ఒప్పందానికి పాకిస్థాన్ మరోసారి తూట్లు పొడిచింది. జమ్ముకశ్మీర్లో రాజౌరీలోని నౌశహర సెక్టార్ నియంత్రణ రేఖ వెంబడి ఉన్న గ్రామాలు, సైనిక స్థావరాలే లక్ష్యంగా పాక్ బలగాలు దాడులకు తెగబడ్డట్లు అధికారులు తెలిపారు. మోర్టార్ షెల్స్ను విసిరినట్లు చెప్పారు. పాక్ చర్యలకు భారత బలగాలు దీటుగా బదులిచ్చాయన్నారు.
నిన్న రాత్రి నుంచి కశ్మీర్లోని మెంధర్, క్రిష్ణఘాటి, పూంచ్ సెక్టార్ల నియంత్రణ రేఖ వెంబడి పాక్ బలగాలు కాల్పులు జరిపాయని.. ఈ ఘటనలో ఎలాంటి ప్రాణనష్టం జరగలేదని రక్షణశాఖ అధికార ప్రతినిధి తెలిపారు.
