రామభక్తులు ఎంతో కాలంగా ఎదురుచూస్తోన్న అయోధ్య రామమందిర నిర్మాణానికి ఆగస్టు 5న అట్టహాసంగా భూమిపూజ జరిగింది. ప్రధాని నరేంద్రమోదీ చారిత్రక ఆలయ నిర్మాణానికి శంకుస్థాపన చేశారు.
అయితే ఈ కార్యక్రమాన్ని దేశవ్యాప్తంగా 16 కోట్ల మంది వీక్షించారని ప్రసార భారతి సీఈఓ శశి శేఖర్ వెంపటి వెల్లడించారు.
"ప్రాథమిక అంచనాల ప్రకారం అయోధ్య భూమిపూజ ప్రత్యక్ష ప్రసారాన్ని 16 కోట్ల మంది వీక్షించారు. దాదాపు 700 కోట్ల వీక్షణ నిమిషాలు నమోదయ్యాయి."
- శశి శేఖర్ వెంపటి, ప్రసార భారతి సీఈఓ
రామమందిర ట్రస్ట్ ఎంతో ప్రతిష్ఠాత్మకంగా నిర్వహించిన భూమి పూజ కార్యక్రమాన్ని దూరదర్శన్ ప్రత్యక్ష ప్రసారం చేసింది. బుధవారం ఉదయం 10.45 గంటల నుంచి మధ్యాహ్నం 2 గంటల వరకు దేశంలో 200 టీవీ ఛానళ్లు దూరదర్శన్ లైవ్ కవరేజీని ప్రసారం చేశాయి.
ఇదీ చూడండి: ప్రధాని మోదీ అయోధ్య పర్యటన సాగిందిలా...
