భవిష్యత్లో జరగబోయే కేంద్ర సాయుధ పోలీసు దళాలు(సీఏపీఎప్ఎస్) నియామక పరీక్షల్లో ఎన్సీసీ ధ్రువీకరణ పత్రం కలిగినవారికి బోనస్ మార్కులు ఉంటాయని హోంమంత్రిత్వ శాఖ తెలిపింది. ఈ మేరకు కేంద్ర హోంమంత్రి అమిత్ షా నిర్ణయం తీసుకున్నారు. పోలీసుల నియామకంలో కూడా ఎస్సీసీ ధ్రువీకరణ పత్రం ఉన్నవారికి ప్రాధాన్యం ఇవ్వాలని రాష్ట్రాలను కోరారు అమిత్ షా.
యువత సంఖ్య పెరగడానికే!
ఎన్సీసీలో చేరేందుకు యువత ఆసక్తి చూపించాలన్న ప్రధానమంత్రి నరేంద్ర మోదీ కలను నిజం చేయడానికి ఇది ఉపయోగపడుతుందని, ఈ నిర్ణయ వల్ల సాయుధ దళాలకు మరింత బలం చేకూరుతుందని హోంమంత్రిత్వ శాఖ అభిప్రాయపడింది.
ఎంత శాతం?
ఎన్సీసీలో మూడు కేటగిరీలుగా ఏ,బీ,సీ ధ్రువపత్రాలు ఉంటాయి. వాటిలో ఎన్సీసీ 'సీ' ధ్రువపత్రం ఉన్నవారికి 5శాతం 'బీ' ఉంటే 3, 'ఏ' ఉంటే 2శాతం బోనస్ మార్కులు కలుపుతారు. ప్రస్తుతం ఎన్సీసీ ధ్రువపత్రం కలిగినవారు భవిష్యత్లో జరగబోయే సీఏపీఎఫ్ ఎస్ఐ, కానిస్టేబుల్ నియామక పరీక్షల్లో ఉపయోగపడుతుంది.
ఇదీ చూడండి: ప్రభుత్వ ఉద్యోగుల్లో సగం మంది ఇక 'వర్క్ ఫ్రమ్ హోమ్'
