సెప్టెంబర్‌ 27న ఐరాసలో మోదీ ప్రసంగం

భారత ప్రధాని నరేంద్రమోదీ సెప్టెంబర్‌ 27న ఐక్యరాజ్యసమితిలో జరిగే సమావేశంలో ప్రసంగించనున్నారు.  వాతావరణం, అభివృద్ధి సహా పలు ఇతర అంశాలపై మాట్లాడతారని సమచారం.

ప్రధాని నరేంద్రమోదీ సెప్టెంబర్‌ 27న ఐక్యరాజ్యసమితి జనరల్‌ అసెంబ్లీ సమావేశంలో ప్రసంగించనున్నట్లు అధికారిక వర్గాలు తెలిపాయి. భారత కాలమానం ప్రకారం.. రాత్రి 07:30 గంటల నుంచి 08:00 గంటల వరకు మోదీ ప్రసంగించనున్నారని ఐరాస ప్రాథమిక జాబితాలో వెల్లడించింది. ఈ సమావేశంలో వాతావరణ మార్పులు, ఆరోగ్యం, స్థిరమైన అభివృద్ధి లక్ష్యాలు, చిన్న ద్వీపాలకు సహకారం వంటి పలు అంశాలపై మోదీ మాట్లాడనున్నట్లు సమాచారం.

దీటైనా సమాధానం

అదే రోజు అర్ధరాత్రి పాక్​ ప్రధాని ఇమ్రాన్​ ఖాన్​ ప్రసంగిస్తారు. ఈ సమావేశంలో కశ్మీర్​లో భారత్​ మానవ హక్కుల ఉల్లంఘనకు పాల్పడుతోందని ఇమ్రాన్​ ఆరోపించే అవకాశం ఉంది. ఆయన ఎలాంటి ఆరోపణలు చేసినా దీటుగా జవాబిస్తామని భారత ప్రతినిధులు తెలిపారు.

ఐరాస సమావేశాల కోసం మోదీ సెప్టెంబర్‌ 23న న్యూయార్క్‌ చేరుకోనున్నారు. అక్కడ ప్రవాస భారతీయులతో సమావేశమవుతారు. ఆ తర్వాత ఐరాస సమావేశంలో ప్రసంగిస్తారు. పలువురు ప్రపంచ స్థాయి నాయకులతోనూ మోదీ సమావేశం కానున్నారని సమాచారం.

ఇదీ చూడండి:పర్యావరణహితం: మొక్కగా మారే బొజ్జ గణపయ్య