కర్ణాటకలో దారుణం జరిగింది. మద్యం మత్తులో ఓ వ్యక్తి.. వీరంగం సృష్టించాడు. అతడి ఘాతుకానికి ఒకరు మృతి చెందగా, ఆరుగురు తీవ్రంగా గాయపడ్డారు.
ఏం జరిగిందంటే..
బెంగళూరు కాటన్పేట్లోని 30 ఏళ్ల గణేశ్ కూలీ పనులు చేస్తూ జీవిస్తుంటాడు. అతడు స్థానికంగా ఉండే ఓ మాంసాహార దుకాణానికి వెళ్లి, అక్కడి కత్తి లాక్కుని పరారయ్యాడు. మార్గ మధ్యలో ఆరుగురిపై దాడి చేశాడు. వారిలో ఓ వ్యక్తి.. ఆసుపత్రిలో చికిత్స పొందుతూ మృతి చెందాడు. మరో వ్యక్తి ప్రాణాపాయ స్థితిలో ఉన్నాడు.
దాడి సమాచారం అందగానే పోలీసులు ఘటనాస్థలికి చేరుకున్నారు. నిందితుడిని బంధించి, అతడి దగ్గర నుంచి ఆయుధాన్ని స్వాధీనం చేసుకున్నారు. ఐపీసీ 302, 307 సెక్షన్ల కింద కేసులు నమోదు చేశారు. దాడికి కారణాలు తెలియాల్సి ఉందన్నారు.
ఇదీ చూడండి:వాటర్ టాక్సీ సర్వీసులు ప్రారంభించిన కేరళ
