మహారాష్ట్రలోని కొల్హాపుర్లో ప్రమాదకర స్థాయిలో ప్రవహిస్తున్న పంచగంగా నది నీటి మట్టం స్వల్పంగా తగ్గినా.. ప్రమాద ముప్పు మాత్రం తొలగలేదని సంబంధిత అధికారి ఒకరు తెలిపారు. శుక్రవారంతో పోలిస్తే.. శనివారం నాటికి ప్రవాహం కాస్త తగ్గిందన్నారు.
రాజారామ్ బ్యారేజ్ వద్ద 44.6 అడుగుల ఎత్తువరకు నీటి మట్టం చేరగా.. శుక్రవారం సాయంత్రం నాటికి 4 అంగుళాలు తగ్గిందని జాతీయ విపత్తు నిర్వహణ సంస్థ తెలిపింది. అయితే.. 43 అడుగులకు మించి ప్రవహిస్తే ప్రమాదకరంగా భావిస్తారు.
ముంపు ప్రాంతాలవారిని రక్షించేందుకు రంగంలోకి దిగిన సహాయక సిబ్బంది.. ఇప్పటివరకు 23 గ్రామాలకు చెందిన సుమారు 5 వేల మందినిపైగా సురక్షిత ప్రదేశాలకు తరలించారు.
ఇదీ చదవండి: మునిగిన ముంబయి.. ఎగసిపడుతున్న అలలు
