కేరళ కోజికోడ్లో జరిగిన ఎయిర్ ఇండియా విమాన ప్రమాదంలో తీవ్రంగా గాయపడిన వారిలో 14 మంది ఆరోగ్య పరిస్థితి ఇంకా విషమంగానే ఉన్నట్లు మలప్పురం జిల్లా కలెక్టర్ కే గోపాలక్రిష్ణ తెలిపారు. మిగతావారు వివిధ ఆస్పత్రుల్లో చికిత్స పొందుతున్నారని వెల్లడించారు.
" ఇప్పటివరకు మలప్పురం, కోజికోడ్లోని వివిధ ఆస్పత్రుల నుంచి 49 మంది డిశ్చార్జి అయ్యారు. మరో 14 మంది పరిస్థితి ఇంకా విషమంగానే ఉంది. మిగతా 109 మంది వివిధ ఆస్పత్రిలో చికిత్స పొందుతున్నారు."
- గోపాలక్రిష్ణ, మలప్పురం కలెక్టర్.
విమాన ప్రమాదంలో.. పైలట్, కో పైలట్ సహా 18 మంది ప్రాణాలు కోల్పోయారు. 16 మంది ప్రయాణికుల మృతదేహాలను ఇవాళ వారి కుటుంబసభ్యులకు అప్పగించినట్లు అధికారులు తెలిపారు.
ఇదీ చూడండి: ల్యాండింగ్కు క్లియరెన్స్ వచ్చాకే కూలిన విమానం!
