అంతర్జాతీయ వేదికపై కేరళకు అరుదైన గౌరవం దక్కింది. అసంక్రమిత వ్యాధులను అరికట్టడంలో సుస్థిర లక్ష్యాల కోసం ఆ రాష్ట్రం చేస్తున్న అద్భుత కృషికి ఐక్యరాజ్యసమితి గుర్తింపు లభించింది. అందులో భాగంగా ఏటా అందించే యూఎన్ ఇంటర్ ఏజెన్సీ టాస్క్ఫోర్స్(యూఎన్ఐఏటీఎఫ్) అవార్డును ఈ ఏడాది మలయాళీ రాష్ట్రం దక్కించుకుంది. ఈ మేరకు ప్రపంచ ఆరోగ్య సంస్థ(డబ్ల్యూహెచ్ఓ) డైరెక్టర్ జనరల్ టెడ్రోస్ అధనోమ్ ప్రకటించారు.
ఈ పురస్కారంపై హర్షం వ్యక్తం చేశారు ఆ రాష్ట్ర ఆరోగ్య మంత్రి కేకే శైలజ. జీవన విధానాన్ని ప్రభావితం చేసే వ్యాధుల పట్ల ప్రాథమిక ఆరోగ్య కేంద్రాల నుంచి అన్ని స్థాయిల ఆసుపత్రుల్లో సకల సౌకర్యాలను ఏర్పాటు చేశామని తెలిపారు. అందువల్లే కరోనా కాలంలోనూ ఆ రాష్ట్రంలో మరణాల రేటు నియంత్రణలో ఉందని పేర్కొన్నారామె.
యూఎన్ఓ అందించే ఈ వార్షిక పురస్కారం కేరళకు దక్కడం ఇదే తొలిసారి కాగా.. ప్రపంచ వ్యాప్తంగా ఏడోది.
ఇదీ చదవండి: బంపర్ ఆఫర్: ఓనం లాటరీలో రూ.12 కోట్లు
