ఈత నేర్చుకోవడం ద్వారా మన ప్రాణాలతో పాటు ఇతరుల ప్రాణాలు కాపాడొచ్చు.. అనే సందేశమిస్తున్నాడు కేరళ కన్నూర్ జిల్లాకు చెందిన ఆరేళ్ల దరీస్ ప్రభు. పయ్యంబాలం తీరంలోని సముద్ర జలాల్లో ఛార్ల్సన్ స్విమ్మింగ్ అకాడమీ ఆధ్వర్యంలో జరుగుతున్న ఈత పోటీల్లో పాల్గొని అత్యుత్తమ ప్రదర్శన చేశాడు ఈ బుడతడు. 'ఈత నేర్చుకోండి.. ప్రాణాలు రక్షించే దేవుళ్లు కండి' అంటూ స్విమ్మింగ్ ప్రాధాన్యాన్ని చెప్పుకొచ్చాడు. జల ప్రమాదాలు జరిగినప్పుడు ఇతరులను కాపాడొచ్చని అభిప్రాయపడ్డాడు.
'ఈత నేర్చుకోవడానికి వయసుతో సంబంధం లేదు. స్విమ్మింగ్ వస్తే సొంతంగా రక్షణ పొందడమే కాకుండా.. తోటి వారి ప్రాణాలు కాపాడొచ్చు' అనే విషయాలను ప్రజలకు చేరువ చేయడానికి ఛార్ల్సన్ అకాడమీ ఈ పోటీలు నిర్వహిస్తుంది.
ఈ పోటీల్లో పాల్గొనడానికి ముందు దరీస్ ఛార్ల్సన్ ఎజిమల వద్ద శిక్షణ తీసుకున్నాడు. అసాధారణ పరిస్థితుల్లోనూ సముద్రం లోతులో ఎవరినైనా రక్షించే విధంగా తయారయ్యాడు. ఈ ఉప్పు జలాల్లో వచ్చే అలలకు ఎదురీదుతూ 4 కి.మీ.లు ఈదిన ఘనత ఈ బాలుడి సొంతం. ఇటీవల పెరుంబా నదితో పాటు కవ్వాయ్ వెనుక జలాల్లో స్విమ్ చేశాడు. కవ్వాయ్ జలాల్లో 20 నిమిషాల వ్యవధిలో ఒక కి.మీ. ఈది ఔరా అనిపించాడు.
కన్నూర్లోని కతిరూర్కు చెందిన విజయన్ అనే 60 ఏళ్ల వృద్ధుడూ ఛార్ల్సన్ ఆధ్వర్యంలో స్విమ్మింగ్ నేర్చుకున్నాడు. సదరు పోటీల్లో పాల్గొని ఈతకు వయసు అడ్డు కాదని నిరూపించాడు. వీరితో పాటు మరో ముగ్గురు స్విమ్మింగ్లో పాల్గొని ప్రజలను ఉత్సాహపరిచారు.
ఇదీ చదవండి: 'రిమోట్ ఓటింగ్పై త్వరలో మాక్ ట్రయల్స్'
