స్టార్ క్యాంపెయినర్ హోదాను తొలగిస్తూ ఎన్నికల సంఘం తీసుకున్న నిర్ణయాన్ని సవాల్ చేస్తూ కాంగ్రెస్ నేత కమల్నాథ్ సుప్రీంకోర్టును ఆశ్రయించారు. తన పిటిషన్పై అత్యవసర విచారణ జరపాలని కోరారు.
మధ్యప్రదేశ్ ఉపఎన్నికల ప్రచారంలో భాగంగా ఎన్నికల నియమావళిని ఉల్లంఘించారని ఆరోపణలు వచ్చాయి. ఈ నేపథ్యంలో కమల్నాథ్ స్టార్ క్యాంపెయినర్ హోదాను తొలగిస్తూ శుక్రవారం ఈసీ నిర్ణయం తీసుకుంది.
వివాదాస్పద వ్యాఖ్యలు..
ప్రచారంలో భాగంగా.. భాజపా మహిళా అభ్యర్థిపై కమల్నాథ్ చేసిన 'ఐటెం' వ్యాఖ్యలు సహా సీఎం శివరాజ్‌ సింగ్ చౌహాన్‌ను ఉద్దేశిస్తూ చేసిన వ్యాఖ్యలు వివాదాస్పదమయ్యాయి. ఈ నేపథ్యంలో నైతిక, హుందాతనంతో కూడిన ప్రవర్తనను కమల్నాథ్ ఉల్లంఘించారన్న ఎన్నికల సంఘం.. ప్రచారకర్త హోదాను తొలగించింది. దీనిపై కమల్నాథ్ సర్వోన్నత న్యాయస్థానాన్ని ఆశ్రయించారు.
స్టార్ క్యాంపెయినర్ల ప్రచార ఖర్చును సదరు పార్టీ భరించాల్సి ఉంటుంది. మిగతా ప్రచారకర్తల ఖర్చును సంబంధిత నియోజకవర్గ అభ్యర్థి భరించాల్సి ఉంటుంది.
ఇదీ చూడండి: 'ఉచిత టీకా హామీ.. ఎన్నికల కోడ్ ఉల్లంఘన కాదు'
